फिल्म ‘प्रकाश’को ‘जोर मैना’ गीत सार्वजनिक

• बिहीबार, १६ आषाढ, २०७९
• 1 month ago
• कला र मनोरञ्जन

काठमाडौँ। फिल्म ‘प्रकाश’को ‘जोर मैना’ बोलको गीत सार्वजनिक गरिएको छ। बिहिबार सार्वजनिक गरिएको गीतमा दिपक शर्माको शब्द तथा संगीत र ध्रुव बिस्कोको स्वर रहेको छ।

 

दिनेश राउतले निर्देशन गरेको फिल्मको गीतमा प्रदिप खड्का र रेणु योगी फिचर्ड छन्।

 

जुम्लाको परिवेशमा छायांकन भएको गीतले फिल्मको मुख्य दुई पात्र बीचको प्रेम र प्रेममा आएको अड्चनलाई प्रस्तुत गरेको छ। 

 

वर्गीय विभेदको विषय प्रस्तुत गरेको फिल्ममा प्रदिप र रेणुसँगै दिया मास्के, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायत कलाकारको अभिनय छ।

 

बिनिस इन्टरटेनमेन्टको ब्यानरमा निर्माण भएको फिल्ममा विकास सुवेदीको लेखन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत, उत्तम न्यौपानेको साउण्ड डिजाइन र शैलेश श्रेष्ठको पार्श्व संगीत रहेको छ।

 

राजेश श्रेष्ठले छायांकन गरेको फिल्मलाई जीवन थापाले सम्पादन गरेका हुन्। महेन्द्र अधिकारी निर्माता रहेको फिल्मलाई रोहित कट्टेल र रत्न श्रेष्ठले वितरण गर्दैछन्।

• प्रकाश

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।