डा. केसी अनसनमा, कर्णालीका डाक्टर काम छोडेर आन्दोलनमा
- बुधबार, २० आषाढ, २०७५
- 4 years ago
- समाचार
जुम्ला । चिकित्सक गोविन्द केसीको अनशनप्रति ऐक्यबद्धता जनाउँदै कर्णाली प्रदेशका पाँच जिल्लाका चिकित्सकले आकस्मिकबाहेकका स्वास्थ्य सेवा ठप्प पारेका छन् ।
जुम्ला, हुम्ला, मुगु, डोल्पा र कालिकोटका सम्पूर्ण चिकित्सक सेवा ठप्प पारेका केसी अनशनस्थलमा बसेका छन् । नेपाल चिकित्सक संघ कर्णाली शाखाको आह्वानमा मंगलबारबाट पाँच जिल्लाका चिकित्सकले उपचार सेवा छाडेका हुन् । जाजरकोट, रुकुम पश्चिम, सुर्खेत, दैलेख र सल्यानका चिकित्सक पनि उपचार बहिष्कारको तयारीमा जुटेका छन् ।
जुम्लाका प्रमुख जिल्ला अधिकारी विष्णुप्रसाद पौडेलले चिकित्सकलाई सेवामा खटाउन कर्णाली स्वास्थ्य विज्ञान प्रतिष्ठानलाई लेखेको पत्रको अवज्ञा गर्दै चिकित्सक सेवा बहिष्कारमा उत्रिएका हुन् । आकस्मिकबाहेकका सेवा ठप्प पारेपछि गाउँगाउँबाट उपचारका लागि सदरमुकाम आइपुगेका बिरामी प्रभावित भएका छन् भने सदरमुकाममा नागरिक समाजको नाममा केसी समर्थनमा अर्धनग्न जुलुस निकालिएको छ ।
१५औं सत्याग्रहको समर्थनमा चौथो दिन स्थानीयवासीले जुम्ला सदरमुकाममा अर्धनग्न जुलुस निकालेका छन् । शनिबारबाट अनशन सुरु गरेका केसीको स्वास्थ्यवस्था दिन प्रतिदिन बिग्रँदै गए पनि प्रशासन मौन देखिएको भन्दै चिकित्सक आन्दोलनमा उत्रिएका हुन् ।
आन्दोलनमा उत्रिएसँगै केसीको स्वास्थ्योपचारमा खटिएका उनका सहयोगी चिकित्सकसमेत फिर्ता भएका छन् ।
जिल्ला खेलकुद विकास समितिको कबर्डहलमा अनशनरत केसीको स्वास्थ्यवस्था नाजुक बन्दै जाँदा स्थानीय प्रशासनले उपचारमा सक्रियता नदेखाएको भन्दै उनीहरू केसीको हेरचाहबाट अलग्गिएका हुन् । आजको राजधानीबाट ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
काठमाडौँ महानगरले मिटरब्याजी पीडितलाई खुलामञ्चमा पस्न र बस्न दिएन
- 2 hours ago
काठमाडौँ। काठमाडौँ महानगरपालिकाले महोत्तरीबाट आएका मिटरब्याजी पीडितहरूलाई खुलामञ्चमा पस्न रोक लगाएको छ। महानगरले खुलामञ्चको गेटमा ताल्चा लगाएर उनीहरुलाई पस्न रोक लगाएको हो। गत चैत २ गते महोत्तर
'सात दिनभित्र सवारी अनुमति पत्र दिने कार्ययोजना बन्दैछ '
- 2 hours ago
काठमाडौँ । उपप्रधान एवं भौतिक पूर्वाधार तथा यातायातमन्त्री नारायणकाजी श्रेष्ठले नागरिकलाई सात दिनभित्र सवारी चालक अनुमतिपत्र प्रदान गर्ने तयारी गरिएको बताएका छन् ।
'नेपाललाई आँखा उपचारको गन्तव्य बनाउन सकिन्छ'
- 3 hours ago
काठमाडौँ । सभामुख देवराज घिमिरेले नेपाललाई आँखा उपचारको गन्तव्य बनाउन सकिने बताएका छन् । नेपाल नेत्रज्योति सङ्घको ४५औँ स्थापना दिवसका अवसरमा उनले केन्द्र, प्रदेश र स्थानीय तहसँगको सहकार्यमा नेपाललाई
पर्यटन
दोस्रो सिकार यामः ढोरपाटनमा १२ नाउर र नौ झारलको सिकार हुने
नेपालकै एक मात्र सिकार आरक्ष ढोरपाटनमा यस वर्षको दोस्रो याममा २१ वन्यजन्तुको सिकार हुने भएको छ । बोलपत्र प्रक्रियाबाट छानिएका सात कम्पनीमार्फत १२ नाउर र नौ झारलको सिकार हुने छ ।
जीवनशैली
वासन्ती छठ पर्वको निराहार व्रत आज
मधेस प्रदेशको प्राचीन मिथिला क्षेत्रमा श्रद्धा र निष्ठापूर्वक मनाइने वासन्ती छठ पर्व मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन बर्तालुले निराहार व्रत सुरु गरेका छन् ।
विचित्र विश्व
'युक्रेनलाई हतियार दिएर रुसलाई हराउन सकिँदैन'
एजेन्सी । रुस र युक्रेनबीचको युद्ध एक वर्ष बितिसक्दा पनि जारी छ । यसैबीच रुसले पनि पटकपटक आणविक आक्रमण गर्ने धम्की दिदैँ आइरहेको छ ।
