गायक राजु लामा सगरमाथा आरोहण गरेर फर्किए

• शुक्रबार, ६ जेष्ठ, २०७९
• 1 month ago
• कला र मनोरञ्जन

काठमाडौँ । सगरमाथाको सफल आरोहण गरेर गायक राजु लामा काठमाडौँ फर्किएका छन्। यही जेठ २ गते गायक लामासहित २७ जनाको आरोही टोली सगरमाथाको शिखरमा पुगेको थियो । 

 

सगरमाथाबाट फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीहरुसँग उनले सगरमाथाको चुचुरोमा पुग्दा आफूलाई हामी यति सुन्दर देशमा छौँ भन्ने गर्व भएको बताए । आफूलाई नेपाली हुनुमा गर्व लागेको भन्दै उनले भने, “नेपालमा सबैभन्दा ठूलो र राम्रो हिमाल छ। त्यो सगरमाथामा मैले पनि पाइला टेक्ने अवसर पाएँ ।”

 

सगरमाथा आरोहण गर्ने क्रममा गायक लामाले छ हजार ५७४ मिटरको उचाइमा एकल कन्सर्टसमेत गरेका थिए । जलवायु परिवर्तनले कष्टकर बन्दै गएको जीवनलाई आफ्नो स्तरबाट कसरी सन्देश दिन सकिन्छ भनेर एकल कन्सर्ट गरेको उनले सुनाए । 

 

सुरुमा छ हजार ५७४ मिटरको उचाइमा कन्सर्ट गरेका गायक लामाले त्यसपछि फेरि सात हजार ९०० मिटरको उचाइमा कन्सर्ट गरेका थिए । उनले गरेको कन्सर्ट विश्वमै सबैभन्दा उचाइमा गरिएको कन्सर्ट बनेको छ । 

 

कन्सर्टमा उनले आफूले सार्वजनिक नै नगरेका ‘हिमालले डाक्यो मलाई’ बोलको नयाँ गीत गाएका थिए । साथै उनले मंगोलियन हार्ट ब्यान्डका केही चर्चित गीतसमेत गाएका थिए ।

• राजु लामा

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।