यस्तो पनि बुबा ! जसले दुई छोरीलाई विगत १५ वर्षदेखि जबरजस्ती करणी गर्दै आए

• मंगलबार, ३ भदौ, २०७६
• 2 years ago
• अन्तर्राष्ट्रिय

काठमाडौं । हाम्रो छिमेकी मुलुक भारतमा फेरि अर्को आश्चर्यजनक घटना बाहिरिएको छ, जहाँ आफ्नै बुबाले दुई छोरीलाई विगत १५ वर्षदेखि जबरजस्ती करणी गर्दै आएका छन् । यो घटना हाम्रो छिमेकी मुलुक भारतको उत्तर प्रदेशको राजधानी लखनाऊको हो । ती यौन पिपासु बुबाले आफ्नै दुई छोरीलाई १५ वर्षसम्म यौन हिंसा गर्दै आएका छन् । यो विषयमा मुख खोलेमा उनले मार्ने धम्की दिदै आएका थिए ।

 

जब ठूली छोरीले हिम्मत गरेर आशा ज्योति केन्द्रलाई पत्र लेखेर पठाइन्, तबमात्र पीडित दिदी–बहिनी आफ्नो बुबाबाट यौन शोषणको चंगुलबाट छुट्नका लागि गुहार पाए । पत्र पाउने वित्तिकै आशा ज्योति केन्द्रको टिमले गत आइतबार राति घरबाट उद्दार गरे र बाल कल्याण समिति (सीडब्ल्युसी)लाई बुझाएको छ । त्यसपछि समितिको उजुरीपछि प्रहरीले मुद्दा दर्ता गरेको छ । आरोपित बुबाको विरुद्धमा लखनाऊको चिनहट थानामा उजुरी दर्ता गरिएको छ । तर ती यौन पिपासु बुबा भने अझैं फरार रहेका छन् ।

 

जानकारी अनुसार आरोपित बुबा एक ठेकेदार हुन् । उनले वर्षौंदेखि आफ्नै दुई छोरीलाई यौन शोषण गर्दै आएका थिए । ती दुई छोरी मध्ये ठूलो छोरीको उमेर २२ वर्ष र अर्की छोरीको उमेर १५ वर्ष भएको जनाइएको छ । प्रहरीले आरोपित बुबाविरुद्ध पोक्सो अन्तर्गत मुद्दा दर्ता गरेको छ । 

 

पीडित छोरीहरुका अनुसार आफूलाई यौन शोषण गर्न आफ्नै आमाले बुबालाई सहयोग गर्ने गर्थिन् । साथै यो विषयमा मुख खोलेमा मारिदिने धम्की दिदै आएका थिए । बुबाले यसै घिनलाग्दो हर्कतबाट ठूली छोरी ५–६ पटकसम्म गर्भवतीसमेत बनेकी थिइन्, तर आफ्नै आमाले हरेक पटक गर्भ तुहिने चक्की खुवाएर मुख बन्द गर्न लगाउँथिन् । 

 

अहिले प्रहरीमाझ उजुरी दर्ता भइसकेको छ भने फरार बुबाको खोजी भइरहेको जनाइएको छ ।

 

• Rape

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।