राष्ट्रियसभा बैठक : दलीय भागबण्डा नियुक्त नगर्नदेखि वृत्तचित्र बनाउने सम्मकाे सुझाव

Global IME
Mega Bank
Norvic Hospital
फाइल फाेटाे

काठमाडौँ । सत्तापक्ष र प्रतिपक्षका सांसदले त्रिभुवन विश्वविद्यालयका उपकुलपति र पदाधिकारी दलीय भागबण्डामा होइन, खुला प्रतिस्पर्धाका आधार गर्न सरकारको ध्यानाकर्षण गराएका छन् ।

 

राष्ट्रियसभाको आजको बैठकमा नेकपाका सांसद खीमलाल भट्टराईले मुलुकको गौरवका रुपमा रहेको त्रिभुवन विश्वविद्यालयको केही महीनापछि रिक्त हुन लागेको उपकुलपति र पदाधिकारी दलीय भागबण्डाका आधारमा नभई खुला प्रतिस्पर्धाका आधारमा छनोट गर्ने कार्यविधि बनाउन सरकारलाई सुझाव दिए ।

 

उनले भने, ‘विश्वविद्यालयमा हुने गैर प्राज्ञिक गतिविधि रोक्न आवश्यक छ, विश्वविद्यालयको सुधार र पूर्वाधारमा राज्यले विशेष ध्यान दिनुपर्छ, मुलुकको कूल गार्हथ्यमा सात प्रतिशत योगदान पुर्‍याइएरहेको शिक्षा क्षेत्रमा विनियोजन गरिएको बजेट कम भएकाले बढाउनुपर्छ ।’ 

 

विश्वविद्यालयको कुलपति रहनुभएका प्रधानमन्त्रीबाट कम्तीमा तीन महीनामा एकपटक अनुगमन गर्ने व्यवस्था होस् भन्दै उनले विश्वविद्यालयलाई सेन्टर फर एक्सिलेन्ट बनाउनेतर्फ सबैको पहल आवश्यक रहेको बताए । 

 

सांसद भट्टराईले विश्वविद्यालयका प्राध्यापकलाई हेलमेट बोकेर निजी विद्यालयमा पठाउन जाने प्रवृत्तिलाई त्यग्न सुझाव दिए । मुलुककै सबैभन्दा ठूलो त्रिभुवन विश्वविद्यालयमा हाल तीन लाख ९२ हजार विद्यार्थी अध्ययनरत छन् ।

 

नेपाली काङ्ग्रेसका सांसद राधेश्याम अधिकारीले मुलुकको शिक्षा क्षेत्रको उन्नयनका लागि सांसद भट्टराईबाट आएको धारणालाई समर्थन गर्दै छनोट विधिलाई व्यवस्थित र पारदर्शी तुल्याउन आवश्यक रहेको बताए ।

 

केही दिनयता तरकारी, माछामासु र अत्यावश्यक दैनिक खाद्यवस्तुमा अत्यधिक मूल्यवृद्धि भइरहेको प्रति सरकारको ध्यानाकर्षण होस् भन्दै उनले भने, ‘विचौलियाबाट तरकारीलगायत अत्यावश्यक दैनिक उपभोग्य वस्तुको अनावश्यक मूल्यवृद्धि भएको छ, सरकारकाबाट यसबारे गम्भीरतापूर्वक अनुगमन होस् ।’

 

सांसद दिलकुमारी रावलले आवश्यकता र औचित्यका आधारमा नभई प्रभाव र पहुँचका आधारमा योजना बनाउने अनि एउटै ठेकेदारलाई एकपछि अर्को थप्ने प्रवृत्तिले राज्यको विकास र समृद्धिको नारा कार्यान्वयन गर्न चुनौती खडा भइरहेको बताइन् ।

 

सांसद रामप्रित पासवानले लोकसेवा आयोगको विज्ञापनमा आरक्षणको व्यवस्थालाई लत्याउँदै कर्मचारी भर्ना प्रक्रिया अगाडि बढाएको भनी आपत्ति प्रकट गरे । उनले भने, ‘संविधानले गरेको व्यवस्थालाई हटाउने काम गलत छ, यसलाई सच्याउन आवश्यक छ । आरक्षणको व्यवस्था हटाउने हो भने जातीय असमनाता हटाउन सक्नुपर्‍यो ।’

 

सांसद जीतेन्द्रनारायण देवले तराईमा आएको बाढी र डुबानका कारण उत्पन्न हुने रोगव्याधिलाई नियन्त्रण गर्न पूर्वतयारी के कस्तो छ भनी प्रश्न गरे । उनले भने, ‘डुबानपछि आउनसक्ने रोगव्याधिलगायतका विषयको दीर्घकालीन समाधान गर्ने के–कस्तो संयन्त्र छ, बाढी र डुबानमा मरेका पशुपक्षीबाट फैलनसक्ने सङ्क्रमण आउन नदिन सरकार सचेत र सजग हुनुपर्छ ।’

 

सांसद रमेशप्रसाद यादवले बाढीपहिरोबाट धनजनको क्षति भएका परिवारलाई सङ्घीय सरकारले आवश्यक राहत र सहयोग सम्बोधन गरोस् भन्ने माग गरे । यसअघि भएको शून्य समयमा सांसद नैनकला ओझाले राष्ट्रियसभाका अध्यक्षसहितका सांसदले केही दिनअघिको बाढी र डुबान क्षेत्रको भ्रमणगरी तयार गरिएको प्रतिवेदन कार्यान्वयनका लागि माग गरे ।

 

सांसद प्रकाश पन्थले कक्षा १२ को नतिजा आउनुभन्दा पहिले नै कतिपय कलेजले प्रवेश परीक्षाको परीक्षा लिइसेकेको हुँदा त्यसबाट दूरदराजका विद्यार्थीलाई मर्का परेको हुँदा पुनः परीक्षा सञ्चालन गर्ने व्यवस्था गर्न सरकारको ध्यानाकर्षण गराए ।

 

सांसद बलरामप्रसाद बाँस्कोटाले नेपाललाई स्वतन्त्र कायम राख्ने सन्दर्भमा भएका लडाईंसम्बन्धी घटना समेटेर वृत्तचित्र बनाएर प्रचारप्रसार गर्नसकेमा विदेशी पर्यटकलाई नेपाल भ्रमणका लागि आकर्षण गर्न सकिने तर्क गरे । (रासस) 


Reliable life insurance
Nepal Telecocme

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

क्यानले २८ खेलाडीलाई बन्द प्रशिक्षणमा बोलायो, सन्दीप लामिछाने परेनन्

  • 41 minutes ago
क्यानले २८ खेलाडीलाई बन्द प्रशिक्षणमा बोलायो, सन्दीप लामिछाने परेनन्

नेपाल क्रिकेट संघ (क्यान)ले लिग टूको त्रिकोणात्मक सिरिजका लागि २८ खेलाडीलाई बन्द प्रशिक्षणमा बोलाएको छ । क्यानले शुक्रबार नेपाल–नामीबिया र स्कटल्याण्डबीचको त्रिकोणात्मक सिरिजका लागि २८ खेलाडील

माओवादी केन्द्रले राष्ट्रपतिमा राष्ट्रिय सहमति खोज्ने

  • 52 minutes ago
माओवादी केन्द्रले राष्ट्रपतिमा राष्ट्रिय सहमति खोज्ने

काठमाडौँ। बिहीबारदेखि सुरु भएको बैठकमा प्रधानमन्त्री तथा पार्टी अध्यक्ष पुष्पकमल दाहाल प्रचण्डले आफू नेकपा एमालेको प्रस्तावमा प्रधानमन्त्री बने पनि विश्वासको मत लिने बेलामा कांग्रेस समेत सामेल भ

राष्ट्रियसभा उपाध्यक्षको निर्वाचन माघ २३ मा हुने

  • 1 hour ago
राष्ट्रियसभा उपाध्यक्षको निर्वाचन माघ २३ मा हुने

काठमाडौँ। राष्ट्रियसभा उपाध्यक्षको निर्वाचन माघ २३ गते हुने भएको छ। राष्ट्रियसभाको शुक्रबारको बैठकमा अध्यक्ष गणेशप्रसाद तिमिल्सिनाले सभाको उपाध्यक्षको निर्वाचन माघ २३ गते सोमबार बिहान ११ बजेर



पर्यटन

जहाज दुर्घटनापछि सुस्तायो पोखराको पर्यटन

जहाज दुर्घटनापछि सुस्तायो पोखराको पर्यटन

पोखरा। माघ १ गते पोखराको सेतीखोंचमा यति एयरलाइन्सको जहाज दुर्घटना भएपछि पोखराको पर्यटन क्षेत्र सुस्ताएको छ। अङ्गेजी नयाँ वर्षसँगै पोखरा अन्तर्राष्ट्रिय विमानस्थल सञ्चालनमा आएपछि चलायमान बनेको यहाँको पर्यटन व्यवसाय जहाज दुर्घटनापछि फेरी सुस्ताएको हो।

जीवनशैली

साउना, स्टिम र जाकुजी लिने बढ्दै, शरीरलाई आनन्द र तनावमुक्त राख्ने

साउना, स्टिम र जाकुजी लिने बढ्दै, शरीरलाई आनन्द र तनावमुक्त राख्ने

आजभोलि मानिसहरु थकानबाट मुक्त हुनका लागि स्पा, साउना, स्टिम, जाकुजी जस्ता सेवाबाट आनन्द लिने गरेको पाइएको छ ।

विचित्र विश्व

रुसले दियो नेटोलाई खुला धम्कीः युक्रेनलाई दिएका सबै ट्याङ्क र रकेट उडाइदिनेछौँ

रुसले दियो नेटोलाई खुला धम्कीः युक्रेनलाई दिएका सबै ट्याङ्क र रकेट उडाइदिनेछौँ

एजेन्सी । रुस र युक्रेनबीचको युद्ध एक वर्ष पुग्न लागेको छ । यो लडाइ रोकिने अझै कुनै संकेत देखिएको छैन । हरेक दिन यो युद्धमा नयाँ रणनीतिहरु बाहिर आउने गरेका छन् । एकातिर रुस र अर्कोतर्फ युक्रेन र नेटो राष्ट्रहरू छन् ।