फिल्म 'पुष्पा २' ले रिलिज हुनुअघि नै सानदार कमाई गर्यो !

• बिहीबार, २४ कार्तिक, २०७९
• 2 months ago
• कला र मनोरञ्जन

एजेन्सी । साउथका सुपरस्टार अल्लु अर्जुन र रश्मिका मन्डन्ना स्टारर फिल्म ‘पुष्पाः द राइज’ गत वर्षको डिसेम्बरमा रिलिज भएको थियो र वर्षभर चर्चामा रह्यो । हाल यो फिल्मको सिक्वेल अर्थात् ‘पुष्पाः द रुल’ को लागि दर्शकहरु उत्सुकताका साथ पर्खिरहेका छन् । 

 

फिल्मको यति धेरै चर्चा छ कि रिलिज हुनुअघि नै रेकर्ड बनाउन थालेको छ । यस फिल्मको राइट बारेमा ठूलो जानकारी आएको छ ।

 

हालै अल्लु अर्जुनले फिल्मको सुटिङ सुरु गरेको खबर आएको थियो । योसँगै यो फिल्मको खलनायकलाई लिएर पनि विभिन्न चर्चाहरु रहेका छन् । यसैबीच, बलिउड लाइफको एक खबरका अनुसार यो फिल्मले रिलिज हुनुअघि नै ठूलो कमाई गर्न थालेको दाबी गरेको छ । किनभने यसको विदेशी थिएटर अधिकार आरआरआरभन्दा पनि महँगोमा बिक्री भएको छ । 

 

मिडिया रिपोर्टका अनुसार निर्माताहरूले फिल्मको विदेशी थिएटर अधिकार सुरक्षित गर्न ८० करोड रुपैयाँभन्दा बढी रकम माग गरेका छन्।  राजामौलीको ‘आरआरआर’ को ओभरसिज थिएटर राइट्स ७० करोड भारुमा बेचिएको थियो ।

 

• अल्लु अर्जुन

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।