युद्ध पर्यटनकाे विकासमा जाेड दिँदै राेल्पाका स्थानीय सरकार

रोल्पा । माओवादीले सञ्चालन गरेको दश वर्षे सशस्त्र द्वन्द्वमा झण्डै एक हजार जनाले ज्यान गुमाएको रोल्पामा स्थानीय निर्वाचन पछि गठित स्थानीय सरकारहरुले युद्ध पर्यटनको विकास र प्रवद्र्धनमा जोड दिन थालेका छन् ।

 

सशस्त्र द्वन्द्वको उद्गम थलो मानिने रोल्पाका स्थानीय सरकारहरुले द्वन्द्वकालमा चर्चामा आएका ठाउँका पूर्वाधारको संरक्षण र प्रचारप्रसार गर्न थालेका हुन् ।

 

जिल्लाको माडी गाउँपालिकाले ओतमा रहेको वांगे तालको संरक्षण गर्न थालेको छ । द्वन्द्वताका माओवादी सेनाले शिविर सञ्चालन गरेको सो स्थान सामरिक महत्वको क्षेत्र भन्दै गाउँपालिका संरक्षणमा जुटेको हो ।

 

सरकारी सेनासँग भिडन्त गर्नु अघि माओवादी सेना सोही स्थानमा जम्मा भई सम्पूर्ण तयारी गर्ने गर्दथे । सो स्थानको तत्कालीन माओवादी अध्यक्ष पुष्पकमल दाहालले समेत अवलोकन गरेको गाउँपालिका अध्यक्ष नन्दबहादुर पुनले जानकारी दिए ।

 

सोही गाउँपालिकामा रहेको अर्को पर्यटकीय क्षेत्र हो जननमूना अस्पताल । ओतको घोरनेटीमा रहेको सो अस्पताल द्वन्द्वकालमा माओवादीले निर्माण गरी सञ्चालनमा ल्याएका हुन् ।

 

माओवादीका स्वास्थ्यकर्मीहरू कार्यरत रहेको सो अस्पतालमा सर्वसाधारण र माओवादी कार्यकर्ताले निःशुल्क स्वास्थ्योपचार गर्थे । उक्त अस्पताल अहिले पनि सञ्चालनमा रहेको छ ।

 

सरकारी सेना र माओवादी सेनाबीच भिडन्त भएको अर्को स्थान हो हान्निङ । यहाँ माओवादी सेनाका तीन र सरकारी सेनाका सात जनाले ज्यान गुमाएका थिए । आफ्ना तीन जना सैनिक जवान मारिएको सो स्थानलाई माओवादीले संरक्षण गर्दै आएको थियो ।

 

उनीहरुको स्मरणमा स्तम्भ तयार गरी खडा गरिएको छ । सो स्थानको व्यवस्थापनका लागि गाउँपालिकाले आठ लाख बजेट विनियोजन गरेको अध्यक्ष पुनले जानकारी दिए । ‘सो स्थानमा सडक पुर्‍याउने गरी काम थालनी गरेका छौं’, अध्यक्ष पुनले भने ।

 

सोही गाउँपालिकाको वडा नं ५ भावाङ वाग्मा अर्को युद्ध पर्यटकीय स्थल हो । विसं २०५८ मा ११ जना माओवादी कलाकारलाई सरकारी सेनाले घरभित्रै घेरा हाली सामूहिक हत्या गरेको थियो । विगतमा माओवादी सो स्थानमा पुगी सांस्कृतिक प्रतिरोध दिवस समेत मनाउने गर्दथे ।

 

स्थानीय निर्वाचन पछि भने सो स्थानलाई युद्ध पर्यटकीय क्षेत्रको रुपमा विकास गर्ने गरी काम अगाडि बढाउन थालिएको सो वडाका वडाध्यक्ष भरत बुढाले जानकारी दिए । सोही गाउँपालिकाको वडा ५ कुलवाङधुरी अर्को सामरिक महत्व बोकेको स्थान हो ।

 

माओवादीका केन्द्रीय सदस्य लोकेन्द्र विष्ट र माओवादी सेनाका कमाण्डर वरुण सरकारी सुरक्षा फौजबाट हतियार खोसेर चर्चामा आएको थियो । सरकारी सुरक्षा फौजको ठूलो जत्थाबाट दुई माओवादी कार्यकर्ताले हतियार खोसेका कारण सो स्थान चर्चामा आएको बताइन्छ ।

 

‘युद्ध पर्यटनका साथै समग्र पर्यटन विकास, पूर्वाधार निर्माण, संरक्षण र प्रचारप्रसारमा जोड दिएका छौं’, गाउँपालिका अध्यक्ष पुनले भने । पर्यटकको सुविधाका लागि आवास, सडक पूर्वाधार तथा सञ्चारको सुविधालाई पहिलो प्राथमिकता दिएको अध्यक्ष पुनको भनाइ छ ।

 

यसैगरी, रोल्पा नगरपालिकाले समेत युद्ध पर्यटन प्रवर्द्धन गर्ने भन्दै विभिन्न कार्यक्रम सञ्चालन गरिरहेको छ । नगरपालिकाको वडा नं १० धवाङमा रहेको घामतारा भनभनेमा र वडा नं. ६ दारवोटमा पर्ने वोक्सिड थलामा रहेको छापामार तालीम केन्द्रलाई युद्ध पर्यटकीय क्षेत्रको रुपमा विकास गर्ने निर्णय भएको छ ।

 

नगरपालिकाको सबैभन्दा उचाइमा रहेको धरमपानीमा केही दिन अघि नगर कार्यपालिकाको बैठक बसी सो निर्णय गरेको हो । लिबाङ जलजला सडकलाई धार्मिक सांस्कृतिक र युद्ध पर्यटन मार्गको रुपमा विकास गर्ने गरी काम अगाडि बढाइएको नगरपालिकाले जनाएको छ ।

 

नेपाल भ्रमण वर्ष २०२० लाई सफल वनाउन पर्यटकीय गन्तव्य जलजलासँग सीमा जोडिएका थवाङ र सुनछहरी गाउँपालिकासँग सहकार्य गरी योजना निर्माण गरिएको नगर प्रमुख पूर्ण केसीले बताए ।

 

द्वन्द्वकालमा मारिएकाहरुको स्मरणमा धरमपानीमा तयार गरिएको शहीद स्तम्भको संरक्षण तथा थप विकासमा आफूहरु लागेको नगर प्रमुख केसीले जानकारी दिए । जलजला पुग्न धरमपानीसम्म सडक सञ्जाल पुर्‍याउने गरी काम भइरहेको छ ।

 

द्वन्द्वकालमा सुनछहरी गाउँपालिका ७ जेल्वाङका करीव १०० जनाले ज्यान गुमाएका थिए । एउटै वडामा यति धेरैले ज्यान गुमाउने जेल्वाङ देशकै पहिलो वडा हो । युद्ध पर्यटनको विकासका लागि आफ्नो गाउँपालिकाले समेत काम गरिरहेको सुनछहरी गाउँपालिका अध्यक्ष आशबहादुर पुनले बताए । (रासस)


ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

नाइजेरियाली आन्दोलनमा कम्तीमा १५ व्यक्तिको मृत्यु

  • 7 minutes ago
नाइजेरियाली आन्दोलनमा कम्तीमा १५ व्यक्तिको मृत्यु

एजेन्सी । प्रहरीको निर्मम दमनको विरोधमा नाइजेरियामा अक्टोबरमा कम्तीमा १५ जनाको मृत्यु भएको एम्नेष्टी इन्टरनेशनलले एएफपीलाई बताएको छ ।

कोरोना भाइरसबाट अत्यन्त प्रभावित राष्ट्रहरु

  • 12 minutes ago
कोरोना भाइरसबाट अत्यन्त प्रभावित राष्ट्रहरु

एजेन्सी । चीनको हुवेई प्रान्तस्थित वुहान शहरबाट फैलिन सुरु भएको मानिने कोरोना भाइरस विश्वका केही मात्र राष्ट्र छाडेर सबै देशहरुमा फैलिएको छ ।

यो देशमा कोरोना नियन्त्रण गर्न रातभरि ‘कर्फ्यू’ लगाइँदै

  • 28 minutes ago
यो देशमा कोरोना नियन्त्रण गर्न रातभरि ‘कर्फ्यू’ लगाइँदै

एजेन्सी । कोरोना भाइरसको महामारी फैलिदै गएपछि त्यसलाई नियन्त्रण गर्न भन्दै स्लोभानियामा देशव्यापी कफ्र्यु घोषणा गरिएको छ ।



पर्यटन

पर्यटन प्रवद्र्धनात्मक कार्यक्रममा जोड दिन्छुः रेबान अध्यक्ष बराल

पर्यटन प्रवद्र्धनात्मक कार्यक्रममा जोड दिन्छुः रेबान अध्यक्ष बराल

पोखरा । रेष्टुरेण्ट एण्ड बार एशोसिएशन पोखराको २६ औंँ साधारणसभा तथा १४ औंँ अधिवेशनबाट लक्ष्मण बराल अध्यक्षमा निर्वाचित भएका छन् । अध्यक्ष बरालले कोभिड– १९ को महामारीका बीच सुस्ताएको पर्यटन क्षेत्रलाई उकास्न आफ्नो नेतृत्व नयाँ विकल्पको खोजी साथ अघि बढ्ने प्रतिबद्धता व्यक्त गरे ।