रुसलाई आर्थिक रुपमा कमजोर बनाउन सक्ला त युरोप ?

• आइतबार, २५ बैशाख, २०७९
• 1 month ago
• युके
• अन्तर्राष्ट्रिय

एजेन्सी । युरोपेली संघको कार्यकारी आयोगले ६ महिनामा रूसी तेलको आयात हटाउने योजना प्रस्ताव गरेको छ। 

 

युरोपको उद्देश्य रूसलाई आर्थिक रूपमा कमजोर बनाउने हो। 

 

तर, युरोपले कहिलेसम्म रुसी इन्धन बिना काम गर्न सक्छ, साथै यसले रूसको अर्थतन्त्रलाई कति असर गर्छ भन्ने प्रश्न उठेको छ । 

 

विश्वका अन्य देशको तुलनामा रुसको कच्चा तेल युरोपमा सबैभन्दा बढी निर्यात हुन्छ। बीपी स्ट्याटिष्टिकल रिभ्यु अफ द वर्ल्ड इनर्जीका अनुसार सन् २०२० मा रूसको २६ करोड टन कच्चा तेल निर्यातमध्ये १३ करोड ८० लाख टन अर्थात ५३ प्रतिशत युरोपमा आएको थियो। युरोपमा प्रयोग हुने सबै कच्चा तेल आयात गरिन्छ। आयातित कच्चा तेलको एक चौथाइ रुसबाट मात्रै आउँछ।

 

अन्तर्राष्ट्रिय ऊर्जा एजेन्सी (आईईए)का अनुसार युरोपेली संघले युद्धअघि प्रतिदिन २२ लाख ब्यारेल कच्चा तेल र १२ लाख ब्यारेल प्रशोधित तेल उत्पादन गरेको थियो। युरोपेली देशहरूले रुसको सट्टा अमेरिका र अफ्रिकाबाट तेल खरिद गर्ने विकल्प छ। यद्यपि युरोपले मध्य पूर्वी देशहरूबाट पनि किन्न सक्छ। अहिले मध्यपूर्वको तेलको निर्यात मुख्यतः एसियामा हुने गरेको छ । तर, वर्तमान प्रणालीमा देखिएको परिवर्तनले युरोपेली देशहरूका लागि कठिनाइहरू सिर्जना गर्नेछ।

 

ईयुले कहाँबाट कति पेट्रोलियम तेल किन्छ ?

 

रूसः २४.८ प्रतिशत

नर्वेः ९.४ प्रतिशत

अमेरिकाः ८.८ प्रतिशत

लिबियाः ८.२ प्रतिशत

कजाकिस्तानः ८.२ प्रतिशत

नाइजेरियाः७.१  प्रतिशत

इराकः ६.६ प्रतिशत

ब्रिटेनः ५.५ प्रतिशत

साउदी अरेबियाः ५.५ प्रतिशत

अन्यः १६.९ प्रतिशत

(स्रोतः यूरोस्टेट)

 

स्टेटिस्टा रिपोर्ट अनुसार, उत्पादन मूल्यको आधारमा जर्मनी युरोपेली संघ भित्र रूसी तेलको सबैभन्दा ठूलो आयातकर्ता हो। सन् २०२१ मा जर्मनीले २३६० मिलियन अमेरिकी डलरको कच्चा तेल, पेट्रोल र डिजेल आयात गरेको थियो। त्यसपछि पोल्याण्ड, नेदरल्यान्ड्स, फिनल्याण्ड, बेल्जियम, बेलायत, लिथुआनिया र अन्य देशहरू छन्।

 

रूसी बजेटको एक प्रमुख स्तम्भ हो उर्जा। रुस सरकारले २०११ र २०२० को बीचमा तेल र प्राकृतिक ग्यासबाट आफ्नो आयको ४३ प्रतिशत प्राप्त गरेको थियो। युद्धको विरोध गरे पनि, रुसी तेल र ग्यास युरोपेली देशहरूले आपूर्ति गरिरहेका छन् । 

• युरोपेली संघ

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।