‘फोब्र्स इन्डियाको टप १०० सेलिब्रेटी लिष्ट २०१८’को पहिलो नम्बरमा सलमान !

• सोमबार, २४ मंसिर, २०७५
• 4 years ago
• कला र मनोरञ्जन
• अष्ट्रेलिया

एजेन्सी । बलिउडका सुपरस्टार सलमान खान ‘सुल्तान’को नामले चर्चित छन् । सलमानले ‘फोब्र्स इन्डियाको टप १०० सेलिब्रेटी लिष्ट २०१८’ (Forbes India Celebrity 100 list 2018) मा लगातार तेस्रो पटक टप गरेका छन् । १ अक्टोवर २०१७ देखि गत ३० सेप्टेम्बरसम्ममा सलमानले फिल्म, टिभी शो र ब्राण्ड एडोर्समेन्टबाट कुल २५३.२५ करोड भारुको कमाई गरेका छन्, यसै कारण ‘फोब्र्स इन्डियाको टप १०० सेलिब्रेटी लिष्ट २०१८’को लिष्टमा तेस्रो पटक पनि सुल्तान बनेका हुन् । ५२ वर्षीय अभिनेता सलमानको फिल्म ‘टाइगर जिन्दा है’, ‘रेस ३’ र टिभी रियलिटी शो ‘बिग बोस’ र ‘दशका दाम’ विज्ञापन गरेर सबै भन्दा बढी कमाई गरेका हुन् ।

 

दोस्रो नम्बरको लिष्टमा भारतीय क्रिकेटर विराट कोहली रहेका छन् । त्यस्तै तेस्रो स्थानमा अभिनेता अक्षय कुमार रहेका छन् । क्रिकेटर क्याप्टेन विराट कोहलीले २२८.०९ करोड भारुको कमाई गर्दै दोस्रो नम्बरमा आफ्नो नाम सुरक्षीत गरेका हुन् । अर्कोतर्फ अभिनेता अक्षय कुमारले १८५ करोड भारुको कमाई गर्दै ‘फोब्र्स इन्डियाको टप १०० सेलिब्रेटी लिष्ट २०१८’को तेस्रो नम्बरमा आफ्नो नाम लेखाएका छन् ।

 

फोब्र्स इन्डियाको टप १०० सेलिब्रेटीहरुको  कुल कमाई ३१४०.२५ करोड भारु रहेको छ । तर गत वर्ष यो भन्दा १७ प्रतिशत कम २६८३ करोड भारुको कमाई गरेका थिए । गत वर्ष बलिउडको किङ्ग खान शाहरुखले १७०.५ करोड भारुको कमाई गर्दै दोस्रो स्थानमा थिए । तर यो वर्ष अभिनेता शाहरुख खानको कुनै पनि फिल्म रिलिजमा आएन । यसै कारण अन्य यो वर्ष शाहरु खानले ५६ करोडको कमाई गर्दै १३ औं स्थानमा झरेका छन् ।

 

यो वर्षको सुरुवातमा रिलिज भएको फिल्म ‘पद्मावत’ बाट फाइदा लिँदै अभिनेत्री दीपिका पादुकोणले कुल ११२.८ करोडको कमाई गरेकी छन्, भने फोब्र्स इन्डियाको टप १०० सेलिब्रेटहरुको लिष्टमा पाँचौं नम्बरमा आफ्नो नाम सुरक्षीत गरेकी छन् । 

 

• सलमान खान

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।