राष्ट्रपतिलाई विवादमा तान्ने काम सरकारबाटै भयाे : सभापति देउवा
- आइतबार, २२ बैशाख, २०७६
- 3 years ago
- राजनीति
काठमाडौँ । नेपाली काँग्रेसका सभापति शेरबहादुर देउवाले राष्ट्रपतिलाई विवादमा तान्ने काम वर्तमान सरकारले नै गरिरहेको आरोप लगाएका छन् ।
संसद बैठकमा बोल्दै सभापति देउवाले राष्ट्रपतिलाई पटक पटक विवाद ल्याउन वर्तमान सरकारले भूमिका खेलेको बताए ।
‘सरकारले राष्ट्रपतिलाई पटक–पटक विवादमा तान्ने काम गरको छ । नीति तथा कार्यक्रम प्रस्तुत गर्ने बेलामा बेलायती महारानीको शैलीमा सम्बोधन गर्न गराउन लगाइयो’, देउवाले भने ।
राष्ट्रपति विद्यादेवी भण्डारीले गत शुक्रबार नीति तथा कार्यक्रम प्रस्तुत गर्ने क्रममा मेरो सरकार भनेपछि उनको सम्बोधनको सर्वत्र आलोचना भएको थियो ।
प्रधानमन्त्री केपी शर्मा ओलीले यसको जवाफमा बेलायतकी महारानीले मेरो सरकार भन्ने गरेको बताएका थिए ।
सरकारको काम गर्नेबाट शैलीबाट जनता ठगिएको समेत देउवाको आरोप थियो । ‘मेरो नेतृत्वको सरकारले तीनै तहको चुनाव गरायो । शान्ति कायम गर्यो । तर अहिलेको सरकारको काम गर्ने शैलीबाट जनता ठगिएका छन्’, उनले भने, ‘भ्रष्टाचार बढेको । ऋण बढेको छ । यो कुरा महालेखाको प्रतिवेदनमा उल्लेख छ ।’
‘संवैधानिक निकायमा हस्तक्षेप भएको छ । संविधानको भावनाअनुसार सरकार चलेको छैन’, देउवाले भने, ‘सरकार प्रेस स्वतन्त्रतालाई खुम्च्याउन खोजिरहेको छ । विकास निर्माणले गति लिन सकेको छैन । जसले जनता निराश भएका छन् ।’
नीति तथा कार्यक्रममा बढ्दो व्यापार घाटालाई घटाउने कुनै उपाय नरहेको उनले बताए ।
ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।
थप समाचार
सुदूरपश्चिम प्रदेशसभा बैठक स्थगित
- 8 minutes ago
गोदावरी। सुदूरपश्चिम प्रदेशसभा बैठक अनिश्चितकालका लागि स्थगन भएको छ। आज बिहीबार ३ बजे बस्ने भनिएको बैठक स्थगन भएको हो। आज बसेको कार्यव्यवस्था परामर्श समितिको बैठकमा सत्तापक्ष र प्रतिपक्षले यथास
स्वीडेन र फिनल्याण्डलाई पुटिनको चेतावनी
- 27 minutes ago
मस्को रूस। रूसी राष्ट्रपति भ्लादिमिर पुटिनले बुधबार फिनल्याण्ड र स्वीडेनलाई चेतावनी दिदै यदि उनीहरूले नेटो सेना र सैन्य पूर्वाधारलाई आफ्नो क्षेत्रमा स्वागत गरेमा मस्कोले ठुलै जवाफ दिने बताएका छन्।
चलचित्र क्षेत्रलाई विशिष्ट उद्योगको रुपमा विकास गर्नुपर्छः मन्त्री कार्की
- 35 minutes ago
काठमाडौँ। सञ्चार तथा सूचना प्रविधिमन्त्री ज्ञानेन्द्रबहादुर कार्कीले नेपाली चलचित्र क्षेत्रलाई विशिष्ट उद्योगको रुपमा विकास गर्ने प्रतिबद्धता व्यक्त गरेका छन्। चलचित्र विकास बोर्डको २२औँ वार्षिकोत्सवक
पर्यटन
टिआइएबाट थप दुई अन्तर्राष्ट्रिय एयरलाइन्सले उडान गर्दै
काठमाडौँ। त्रिभुवन अन्तर्राष्ट्रिय विमानस्थल (टिआइए) भएर थप दुई अन्तर्राष्ट्रिय एयरलाइन्सले नियमित उडान गर्ने भएका छन्। थाइल्याण्डको थाई स्माइल एयरवेजले भोलि असार १७ (जुलाई १) र श्रीलङ्काको श्रीलङ्कन एयरलाईन्सले आगामी असार २२ (जुलाई ६) देखि उडान गर्ने तयारी गरेको विमानस्थल कार्यालयले जनाएको छ।
जीवनशैली
दालचीनी-लसुनको चिया पिउनाले यस्ता धेरै स्वास्थ्य लाभ हुन्छ
एजेन्सी । लसुन र दालचीनीको चिया स्वास्थ्यका लागि निकै फाइदाजनक मानिन्छ । यसको सेवनले रगतमा चिनीको मात्रा नियन्त्रण गर्न र शरीरमा बढेको कोलेस्ट्रोललाई कम गर्न फाइदाजनक मानिन्छ । लसुन र दालचीनीमा पाइने औषधीय गुणका कारण यसलाई प्राचीन कालदेखि नै औषधीको रूपमा प्रयोग गर्दै आएको छ ।
विचित्र विश्व
इटालीको दोस्रो धनी व्यक्तिको मृत्यु
एजेन्सी । इटालीका दोस्रो धनी व्यापारी तथा सबैभन्दा ठूलो अप्टिकल साम्राज्यका निर्माता लियोनार्डो डेल भिचियोको ८७ वर्षको उमेरमा निधन भएको छ ।
