सामाजिक संजालमा शेरबहादुर देउवाले लगाएको ‘महँगो’ जुत्ताको चर्चा

• मंगलबार, १६ भदौ, २०७७
• 1 year ago
• राजनीति

काठमाडौँ । नेपाली कांग्रेसका सभापति शेरबहादुर देउवाले लगाएको जुत्ताको बारेमा सामाजिक संजालमा पुनः चर्चा हुन थालेको छ । पटक–पटक प्रधानमन्त्री समेत बनेका देउवाले फेसन कम्पनी ‘लुइ भिटोन’को महँगो जुत्ता लगाएको बारेमा बिभिन्न खालका टिकाटिप्पणी हुन थालेको हो ।

 

नेपालको सबैभन्दा दुगर्म मध्येको एक जिल्ला डडेलधुरामा जन्मेका देउवा प्रधानमन्त्री भएर महँगो जुत्ता लगाउन सक्ने हुने तर, गरिब नेपाली अझै खाली खुट्टा हिड्नु परेको भन्दै उनको आलोचना भएको हो । 

 

देउवाले लगाएको जुत्ताको मूल्य करिब ३ लाख पर्ने बताइएको छ । यद्यपी, देउवाले लगाएको जुत्ता सक्कली हो या ‘कपी’ हो भन्नेबारेमा प्रष्ट भइसकेको छैन । 

 

यदी उनले लगाएको जुत्ता सक्कली हो भने उक्त रकमले ५ जनाको परिवारलाई २ वर्षसम्म सामान्य जीवन बिताउन मिल्ने तर्क पनि सामाजिक संजाल प्रस्तुत गरिएको छ । 

 

तर, कतिपयले भने देउवाले लगाएको जुत्ता सक्कली नभएको बताएका छन् ।

 

कम्युनिष्ट भनिएका नेताहरुको जीवनशैली पनि भड्किलो हुँदै गएकोले यस्ता उदाहरणहरु मुलुकमा हजारौं रहेको त्यसैले केहीको व्यक्तिगत विकास भए पनि समग्र विकास हुन नसकेको भन्दै नेताहरुको आलोचना भएको छ । र यस्ता खालका नेताहरुबाट विकास सम्भाव नभएको तर्क पनि गरिएको छ ।

 

देउवाले चुनावमा भोट हाल्न जाँदा उक्त जुत्ता लगाएका थिए । सोही समयमा पनि उक्त कुरा सामाजिक संजालमा उठेको थियो । यो कुरा पुनः चर्चामा आएको छ ।

 

• नेपाली काँग्रेस
• शेरबहादुर देउवा

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।