‘म पूरापूरा महिलावादी नै हुँ नि, महिला आयोग मैले बनाएको हो’

• सोमबार, ५ असोज, २०७७
• 1 year ago
• राजनीति

काठमाडौँ । प्रमुख प्रतिपक्ष दल नेपाली कांग्रेसका सभापति शेरबहादुर देउवाले आफू महिलावादी भएको बताएका छन् । मंगलादेवी स्मृति प्रतिष्ठानले लौहपुरुष गणेशमान सिंहको २३ औं स्मृति दिवसको अवसरमा सोमबार आयोजना गरेको एक कार्यक्रममा बोल्दै देउवाले उक्त कुरा बताएका हुन् ।

 

‘नेपालमा महिला समानताको संवैधानिक तथा कानुनी वयवस्था र समावेशिताको वर्तमान अवस्था’ विषयक भर्चुअल छलफल कार्यक्रममा बोल्दै देउवाले महिलाको हक तथा अधिकारको रक्षाका लागि विभिन्न काम गरेको बताए । 

 

उनले भने, ‘म पूरापूरा महिलावादी नै हुँ नि । महिला आयोग मैले बनाएको हो । दलित आयोग मैले बनाएको हो, जनजाति प्रतिष्ठान मैलै नै बनाएको हो ।’

 

त्यस्तै, सभापति देउवाले कांग्रेसको जस्तो अन्य पार्टीले महिला, आदिवासी, जातजाति, थारु, मुस्लिमलाई आरक्षण नदिएको दाबी गरेका छन् । साथै उनले अझै पार्टीमा महिला मतदाताको संख्या बढाउन आग्रह गरेका छन् । उनले अहिले पार्टीमा बढीभन्दा बढी महिलालाई मतदाताका रुपमा भित्र्याउन सके आगामी दिनमा महिलानै पार्टीको सभापति, नेपालको प्रधानमन्त्री बन्‍न सक्ने पनि बताए ।

• शेरबहादुर देउवा
• सभापति

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।