दक्षिण अफ्रिकाः नाइट क्लबमा पार्टी गर्न गएका २२ जना युवाको मृत्यु

• सोमबार, १३ आषाढ, २०७९
• 1 month ago
• अन्तर्राष्ट्रिय
• विचित्र विश्व

एजेन्सी । दक्षिण अफ्रिकाको पूर्वी लन्डन सहरमा एक नाइट क्लबमा कम्तीमा २२ युवा मृत फेला परेपछि सनसनी मच्चिएको छ । 

 

मिडिया रिपोर्टका अनुसार नाइटक्लबमा युवकहरुको शवबाहेक कैयौं घाइते भएका छन् । घटनापछि त्रासको वातावरण बनेको बताइएको छ । योसँगै मृत्युको कारण भने खुल्न सकेको छैन ।

 

आकस्मिक सेवामा संलग्न कर्मचारीहरु ठूलो संख्यामा घटनास्थल पुगेका छन् । पूर्वी केपका प्रहरी आयुक्त नोमाथेथेली लिलियन मेनेले घटनापछि नाइटक्लब बाहिर भागदौड भएको बताए।

 

नाइटक्लबबाट चार जनालाई अस्पताल लगिएको बताइएको छ । मृत्यु हुनेमा अधिकांश १८ देखि २० वर्ष उमेर समूहका रहेको उनले बताए ।

 

मृत्युको वास्तविक कारण खुल्नका लागि शवको पोष्टमार्टम गर्ने प्रक्रिया छिटो अघि बढिरहेको अफ्रिकाको स्वास्थ्य मन्त्रालयले जनाएको छ । 

 

घटनाबारे कुरा गर्दै देशका गृहमन्त्री भेकी केलाले घटनाबारे अनुसन्धान भइराखेको बताए । 

 

• पूर्वी लन्डन सहर
• दक्षिण अफ्रिका

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।