न्यायाधीश भट्टराईको प्रश्नः नागरिकता प्राप्त गर्नु र त्यसलाई प्रयोग नगर्नुमा केही फरक छ र?

• शुक्रबार, १३ माघ, २०७९
• 1 month ago
• नेपाल

काठमाडौँ। सर्वोच्च अदालतको संवैधानिक इजलासको बहसमा न्यायाधीशको प्रश्नमा गृहमन्त्री रवि लामिछानेका वकिलले जवाफ फर्काउन असमर्थ भएका छन्। शुक्रबारको सुनुवाइमा न्यायधीश आनन्दमोहन भट्टराईको प्रश्नमा रविका वकिल आशिष अधिकारी जवाफ फर्काउन असमर्थ भएका हुन्।

 

रविले अमेरिका र नेपाल गरी दुई देशको नागरिकता एकैपटक लिएको सन्दर्भलाई न्यायाधीशले उठाउँदा रविका वकिल अधिकारीले त्यसको जवाफ लिखितमा भएकोले यस विषयमा नजाउँ भनेर टारेका छन्। न्यायाधीश भट्टराईले ‘नागरिकता प्राप्त गर्नु र त्यसलाई प्रयोग नगर्नुमा केही फरक छ र?’ भनेर सोधेका थिए। जवाफमा रविका वकिल अधिकारीले भने, ‘म यस विषयमा थप जान चाहिनँ।’

 

रविले दोहोरो नागरिकता लिएको तर प्रयोग नगरेको अधिकारीको तर्क थियो। सोही तर्कमाथि जिज्ञासा राख्दै न्यायाधीश भट्टराईले नागरिकता लिइसकेपछि प्रयोग गर्नु र नगर्नुले केही अर्थ राख्छ र? भनेर सोधेका हुन्। तर अधिकारीले उक्त जिज्ञासाको जवाफ दिन चाहेनन्।

• रवि लामिछाने

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।