तलुकान प्रान्तको जिल्ला पुनःसरकारको नियन्त्रणमा

• शुक्रबार, ८ कार्तिक, २०७६
• 3 years ago
• अन्तर्राष्ट्रिय

एजेन्सी । अफगानिस्तानमा अफगान सेनाले उत्तरी प्रान्त तलुकानको दर्काद जिल्ला पुनःनियन्त्रण्मा लिएको अफगान सेनाले शुक्रबार जारी गरेको विज्ञप्तिमा जनाइएको छ ।  

  

विशेष सुरक्षाबलको एक समूहले दर्काद जिल्लालाई पुनः नियन्त्रणमा लिन सशस्त्र विद्रोही र तालिबान लडाकूहरु लक्षित हवाई कारबाही गरेको थियो । 

 

सो कारबाहीमा करिब ६० जना लडाकू मारिएका थिए । ती शव छोडेर शुक्रबार बिहान विद्रोहीहरु सो क्षेत्रबाट  भागेका जारी विज्ञप्तिमा जनाइएको छ । 

 

यसप्रकार तलुकान प्रान्तको दर्काद जिल्लामा जारी राखेको सैन्य कारबाहीको क्रममा सो जिल्ला मुक्त भएको बताइएको छ ।

 

सुरक्षा अधिकारीले नियन्त्रणमा लिएपछि तखार प्रान्तका सरकारी प्रवक्ता मोहमद जाबद हजारी दर्काद जिल्ला पुनः नियन्त्रणमा लिएको पुष्टि गरेका छन् । 

 

सो जिल्लाको कानूनी शासन फिर्ता हुनको साथै सरकारी कार्यालय र स्थानीय प्रहरी चौकी पुनः सञ्चालनमा आएको विज्ञप्तिमा जनाइएको छ । 

 

तलुकान प्रान्तको दर्काद जिल्लामा तालिबान लडाकूलक्षित कारबाही जारी नै रहने सैनिक स्रोतले जानकारी दिएको छ । 

 

राजधानी काबुल शहरबाट करिब २ सय ४५ किलोमिटर उत्तरमा रहेको यो प्रान्तमा लामो समयदेखि तालिबान लडाकू र सुरक्षाबलबीच झडप जारी रहेको छ । 

 

अफगान सुरक्षाबलले तालुकान प्रान्तमा तालिबान लडाकूविरूद्धको सुरक्षा अभियानलाई तीव्र बनाएको छ । सो जिल्लामा सक्रिय रहेका तालिबान लडाकू समूहले भने यस विषयमा कुनै टिप्पणी गरेका छैनन् । 

• Talukan

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।