विदेशी पर्यटक आवागमनको संख्या घट्दै

• सोमबार, २० आषाढ, २०७९
• 1 month ago
• पर्यटन

काठमाडौँ। पछिल्लो केहि महिनायता विदेशी पर्यटक आवागमनको संख्या घट्दै गएको छ। गत अप्रिल महिनाको तुलनामा मे र जुन महिनामा विदेशी पर्यटक आवागमनको संख्या घटेको हो। 

 

अध्यागमन विभागको तथ्यांक अनुसार गत अप्रिल महिनामा ५८ हजार ३४८ जना पर्यटक भित्रिएका थिए। यो महिनाको तुलनामा मे महिनामा पर्यटकीय गतिविधिमा सुधार आएपनि पर्यटक भित्रिनेको संख्या छ। मे महिनामा ५३ हजार ६०८ पर्यटक नेपाल भित्रिएका थिए। अप्रिल महिनाको तुलनामा यस महिना ४ हजार ७४० पर्यटक कम आएका हुन्। 

 

त्यस्तै, सन् २०२२ को जनवरीदेखि निरन्तर रुपमा बढेको पर्यटकहरुको संख्या मे महिना यता घटेको अध्यागमन विभागले जनाएको छ। मे महिनाको तुलनामा जुन महिनामा पनि पर्यटन आउने क्रम घटेको छ। गत जुन महिनामा ४८ हजार ९५७ जना पर्यटन नेपाल भित्रिएका छन्। यो संख्या गत मे महिनाको तुलनामा ६ हजार ६५१ कम हो। 

 

अध्यागमन विभागका महानिर्देशक नारायणप्रसाद भट्टराइले अहिले पर्यटक आवागमनको सिजन नभएकोले पनि पर्यटक आउने क्रम घट्दो रहेको बताए। उनले भने, ‘अफ सिजन रहेका कारण पनि अहिले पर्यटकहरुको आवागमनको संख्या घट्न थालेको हो। यसलाई सामान्य मान्नु पर्छ। पर्यटक आउने सिजन भएपछि फेरि यो संख्या बढ्न सक्छ।’

 

उनका अनुसार सन् २०२२ को जनवरी महिनामा १६ हजार ९७५ पर्यटक नेपाल भित्रिएका थिए। दोस्रो महिना अर्थात फेब्रअरी महिनामा १९ हजार ७६६ विदेशी पर्यटक नेपाल भित्रिएका थिए। जनवरीको तुलनामा फेब्रुरुअरीमा तीन हजारभन्दा बढी संख्यामा पर्यटक नेपाल आएका थिए। 

 

त्यस्तै, सन् २०२२ को मार्च महिनामा ४२ हजार ६ जना पर्यटक नेपाल भित्रिएका थिए। यस महिना सबैभन्दा बढी भारतबाट पर्यटक आएको तथ्यांकमा उल्लेख छ। यस महिना  भारतबाट १५ हजार १३ जना पर्यटक नेपाल आएका छन।

• पर्यटक

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।