नवाजुद्दीन सिद्दिकीकी आमाले बुहारी आलिया सिद्दिकीविरुद्ध दर्ता गरिन् उजुरी

• सोमबार, ९ माघ, २०७९
• 2 months ago
• कला र मनोरञ्जन

एजेन्सी । बलिउडका चर्चित अभिनेता नवाजुद्दीन सिद्दीकी र उनकी श्रीमतीबीचको सम्बन्ध विगत केही वर्षदेखि राम्रो चलिरहेको छैन । आलिया र नवाजबीच धेरै विवाद चलिरहेकै अवस्थमा अभिनेताकी आमा मेहरुनिसा सिद्दिकीले आलिया सिद्दिकीविरुद्ध उजुरी दिएकी छन् । वर्सोवा प्रहरीले आलियालाई सोधपुछका लागि पत्र पठाएको छ ।

 

मेहरुनिसाको उजुरी पछि, आलिया वर्सोवा पुलिस स्टेशनमा एफआईआर दर्ता गरिएको मिडिया रिपोर्टमा उल्लेख छ। नवाजकी आमा र श्रीमतीबीच पनि सम्पत्तिको विवाद चलिरहेको छ ।

 

आलियाले आफ्नो विरुद्धको उजुरीको प्रतिलिपि इन्स्टाग्राममा पोस्ट गर्दै लेखेकी छिन्, ‘आश्चर्यजनक.. मेरो श्रीमान् विरुद्धको मेरो वास्तविक आपराधिक उजुरीहरू पुलिसले सुनेनन्। तर, मविरुद्ध तुरुन्तै आपराधिक एफआईआर दर्ता हुन्छ। केहि घण्टा भित्रै। के मैले यसरी न्याय पाउँछु ?’

 

यसअघि आलियाले अभिनेतामाथि धोका दिएको आरोप लगाएकी थिइन् । पिंकभिलासँगको २०२० अन्तर्वार्तामा उनले आफ्नो पहिलो सन्तान गर्भमा रहदाँ नवाजले अन्य महिलासँग सम्बन्ध राखेको आरोप लगाएकी थिइन्। 

 

उनले भनेकी थिइन्, ‘मलाई प्रष्ट याद छ कि जब हामी डेटिङमा थियौं र बिहे गर्न लागेका थियौं, उनी पहिलेदेखि नै अरु कसैसँग सम्बन्धमा थिए, त्यसै कारण हामीबीच लगातार झगडा भएको थियो ।’

 

उनले अगाडि भनिन्,‘जब म गर्भवती थिएँ, मैले चेकअपको लागि आफैं ड्राइभ गर्नुपर्थ्यो। मेरा डाक्टरहरूले मलाई  सुत्केरीका लागि एक्लै आएकी म पहिलो पागल महिला हुँ भनेका थिए ।’

 

आलिया र नवाजले सन् २०१० मा विवाह गरेका थिए र उनका दुई सन्तान छन् । आलियाले सन् २०२० मा सम्बन्ध विच्छेदको लागि दायर गरेकी थिइन् तर पछि उनले सम्बन्धविच्छेद गर्ने निर्णय परिवर्तन गरेकी थिइन्।

 

• अभिनेता नवाजुद्दीन सिद्दीकी

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।