यस्तो चेपुवामा परेपछि उपेन्द्रको सत्तारोहण

• शुक्रबार, २५ जेष्ठ, २०७५
• 4 years ago
• समाचार

काठमाडौं । सरकारमा नजाँदा दुई नम्बर प्रदेश र सिंगो तराईमा कमजोर भइने र जाँदा तराईबासीलाई धोका दिएको ठहरिने भएपछि संघीय समाजवादी फोरम अध्यक्ष उपेन्द्र यादव  अप्ठेरोमा पर्नुभएको थियो । 

 

लामो समय सत्तामा नबसी आन्दोलनकारी र बिद्रोही चरित्र देखाउँदै आउनुभएका उहाँ जसलाई तराईविरोधी आरोप लगाउँथे – उसैको नेतृत्वको सरकारमा जानुभयो । कुनैबेला केपी ओलीसँग शीतयुद्ध  नै गर्नुभएका उपेन्द्र यादवले सरकारमा गएर। आत्मसमर्पणको शैलीसमेत देखाए । ओलीले पनि उपेन्द्रदाई ल्याउन आफ्नो वचन नाघेर उपप्रधानमन्त्री  पद सृजना गरेर शपथ खुवाउनुभयो ।

 

उपेन्द्र सरकारमा जानुभन्दा अघि राजपा नेता राजेन्द्र महत्तो सरकारमा जाने चर्चामा थियो । महत्तोलाई स्वास्थ्यमन्त्री दिएर सरकारमा ल्याउने अन्तिम तयारी भइसकेको थियो । तर, उपेन्द्रले सरकारमा जाने हतार गर्नुभयो । दुई नम्बर प्रदेशमा फोरमाले मुख्यमन्त्री बनाएका मोहम्मद लालबाबु राउद विवादमा तानिनु, राजपाले राउतलाई हटाएर आफ्नो प्रदेशसभा सदस्यबाट मुख्यमन्त्री बनाउन नेकपासँग गठबन्धन गर्ने अवस्था आइसकेको थियो । राउद भारतीय प्रधानमन्त्री नेपाल आउँदा विवादास्पद अभिव्यक्तिका कारण दवावमा हुनुहुन्थ्यो । उहाँलाई हटाउन पहल भइरहँदा उपेन्द्रले प्रदेशमा मुख्यमन्त्री पदमात्र बचाउनुभएन – केन्द्रमा समेत मन्त्री पाउनुभयो । आजको विमर्श साप्ताहिकबाट । 

 

 

 

 

• Upendra Yadhav

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।