कोरोना प्रभाव कम हुनासाथ नेपालमा पर्यटकको ओइरो लाग्ने सम्भावना छ : मन्त्री भट्टराई

  • बिहीबार, १ असोज, २०७७
  • 1 month ago
  • नेपाल

 

काठमाडौं । पर्यटनमन्त्री योगेश भट्टराईले कोरोना महामारीको प्रभाव कम हुने वित्तिकै मानिसहरु खुला र शान्त क्षेत्रमा ओइरो लाग्ने बताउनुभएको छ । सामुदायिक वनमा पर्या–पर्यटनका चुनौति, उपलब्धी र संभावना विषयक अनलाइन अन्र्तकृयामा मन्त्री भट्टराईले कोरोनाकै कारण घरमै थुनिएका पर्यटकहरु महामारी कम हुनासाथ बाहिर निस्कने बताउनु भयो । त्यो बेला नेपालमा पर्यटकको ओइरो लाग्ने सम्भावना देखिएको उहाँको भनाई छ । सामुदायिक वन उपभोक्ता महासंघ नेपालले गरेको अन्र्तकृयामा मन्त्री भट्टराईले त्यो अवस्थालाई अवसरका रुपमा लिएर समयमै सही व्यवस्थापनको योजना बनाउनुपर्ने खाँचो पनि औल्याउनु भयो ।

 

पर्यापर्यटनको मुख्य आधार प्रकृति र संस्कृति भएको र त्यसलाई कसैले खोसेर लान नसक्ने बताउँदै उहाँले दुवै आधारमा बलियो भएकोले नेपालमा इको टुरिजमको अथाह संभावना रहेको दावी गर्नुभयो ।

पर्यापर्यटनका रुपमा सामुदायिक वनहरु महत्वपूर्ण हुने र त्यसबाट समुदायले समेत लाभ लिन पाउँने बताउँदै मन्त्री भट्टराईले स्थानीय र प्रदेश सरकारसंग साझेदारी गरि प्रतिफलमा पनि हिस्सेदार बन्न सामुदायिक वन र त्यसको छाता संगठन फेकोफनलाई आग्रह गर्नुभयो । 

 

कार्यक्रममा सामुदायिक वन उपभोक्ता महासंघ, नेपालका अध्यक्ष भारती पाठकले सामुदायिक वन, त्यहाँको जनशक्ति र समुदायको हितमा हुने गरि सरकारले आर्थिक स्रोतलाइ प्रभावकारी ढंगले परिचालन गर्न सके नेपाल राष्ट्रले राखेको संमृद्धिका लागि प्राकृतिक र सांस्कृतिक संवद्र्धनको  नारालाई सार्थक बनाउन सकिने बताउनुभयो ।

वनमा पर्यापर्यटनको विकास र विस्तारमा सरकारले सघाउनु पर्ने र त्यसबाट समुदायले लाभ लिनसके मुलुकको सम्वृद्धिमा टेवा पुग्ने उहाँको भनाइ छ ।

पर्यापर्यटन र राज्यले गरेको संकल्पमा सामुदायिक वनहरुले ठुलो योगदान गर्न सक्ने भएकोले पर्यटकिय हिसावले सामुदायिक वन अत्यन्त महत्वपुर्ण भएको पनि प्रस्ट पार्नुभयो । 

 

कार्यक्रमा महासंघका कानुन सल्लाहकार दिलराज खनाल र संरक्षणविद जुद्धबहादुर गुरुङले सामुदायिक वनमा आधारित पर्या–पर्यटनका अवसर र चुनौतिहरु बारेमा आफनो प्रस्तुति प्रस्तुत गर्नुभएको थियो । प्रस्तुतिमा मुख्य गरि पर्या–पर्यटन सम्बन्धी संबैधानिक, कानूनी र नीतिगत अवसरहरु, सामुदायिक वनमा आधारित विद्यमान अवस्था र आगामी सम्भावना, सामुदायिक वनमा आधारित पर्या–पर्यटनका समस्या तथा चुनौति र सम्बोधनका उपायहरु समेटिएका थिए । 

यसैगरि वन तथा भूसंरक्षण विभागका महानिर्देशक मानबहादुर खड्काले पर्यापर्यटनको विकासका लागि कुनै कानूनी वाधा अड्चन देखिएमा सुझाव अनुसार नियमावलीमा सुधार गर्न सरकार तयार रहेको बताउनुभयो । उहाँले वन क्षेत्रमा काठ, जडिबुटीसहितको गैरकाष्ठ वन पैदावार, कार्वन, वन्यजन्तु र प्रकृतिमा आधारित पर्यटनलाई इको पर्यटनको रुपमा अघि बढाउन चाहेको बताउनुभयो ।

 

फेकोफनका महासचिव बिर्खबहादुर शाहीले सामुदायिक वनलाई इको टुरिजमको केन्द्र बनाउनु पर्नेमा जोड दिनुभयो ।  यसैगरि महासंघका सचिव ठाकुर भण्डारीले कृषि र वन (एग्रो—फरेष्ट, फरेष्टफुड)लाई सँगसँगै लैजान सकेमा त्यसले समुदायको जीविनस्तर सुधार र आर्थिक सम्वृद्धिमा सघाउने बताउनु भयो । 

 

कार्यक्रममा उद्योग पर्यटन वन तथा वातावरण मन्त्रालयका सचिवहरु प्रदेश १ का मेघराज काफ्ले, प्रदेश २ का रामचन्द्र कंडेल, वाग्मती प्रदेशका सिन्धु ढुंगाना, प्रदेश पाँचका राजेन्द्र केसी लगायतले प्राकृतिक, पर्यटन र सामुदायिक वन उपभोक्ता समुहहरुको भूमिकाबारे बोल्नु भएको थियो । यसैगरि सचिवहरुले पर्यटकीय उत्पादन र गतिविधीमा विविधिकरण गर्नु पर्ने, त्यसको लाभ समुदायले पनि पाउनु पर्नेमा जोड दिँदै कानूनी समस्या भए प्रदेश सरकारका तर्फबाट समाधान गर्न तत्पर रहेको प्रतिवद्धता जनाउनुभएको थियो ।

 

 

कार्यक्रममा सातै प्रदेश अन्तरगतका ३२ जिल्लाका ३४ वटा सामुदायिक वन उपभोक्ता समुहरुका अध्यक्षहरु ३२ जिल्ला महासंघका अध्यक्षहरु, सातै प्रदेश महासंघका अध्यक्षहरु महासंघका पदाधिकारीहरु  गरि ९० जनाको सहभागिता थियो ।

 


ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुकट्विटरमा पनि जोडिन सक्नुहुन्छ ।

थप समाचार

शुक्लफाँटा राष्ट्रिय निकुञ्जमा जङ्गल सफारी खुला

  • 8 minutes ago
शुक्लफाँटा राष्ट्रिय निकुञ्जमा जङ्गल सफारी खुला

कञ्चनपुर । शुक्लफाँटा राष्ट्रिय निकुञ्जमा पर्यटकका लागि जङ्गल सफारी र जङ्गल वाक खुला गरिएको छ ।

आदित्यलाई बाबुको चेतावनीः पछि वैवाहिक जीवनमा समस्या आयो भने हामीलाई दोष नदिनु

  • 10 minutes ago
आदित्यलाई बाबुको चेतावनीः पछि वैवाहिक जीवनमा समस्या आयो भने हामीलाई दोष नदिनु

एजेन्सी । सिंगर आदित्य नारायण झा विवाहबारे पिता उदित नारायणले प्रतिक्रिया दिएका छन् । आदित्यका पिता उदित नारायण झाले भने छोराको विवाहबारे आश्चर्यचकित पार्ने बयान दिएको मिडिया रिपोर्टमा उल्लेख छ ।

भुटानमा कोरोना संक्रमण, कति पुग्यो संक्रमितको संख्या ?

  • 15 minutes ago
भुटानमा कोरोना संक्रमण, कति पुग्यो संक्रमितको संख्या ?

एजेन्सी । भुटानमा कोरोना संक्रमितको संख्या ३२७ पुगेको छ । थप २ जनामा कोरोना संक्रमण पुष्टि भएपछि कोरोना संक्रमितको संख्या ३२७ पुगेको हो । कुल कोरोना संक्रमितमध्ये ३०१ जना निको भएर घर फर्किएका छन् ।



पर्यटन

पर्यटन प्रवद्र्धनात्मक कार्यक्रममा जोड दिन्छुः रेबान अध्यक्ष बराल

पर्यटन प्रवद्र्धनात्मक कार्यक्रममा जोड दिन्छुः रेबान अध्यक्ष बराल

पोखरा । रेष्टुरेण्ट एण्ड बार एशोसिएशन पोखराको २६ औंँ साधारणसभा तथा १४ औंँ अधिवेशनबाट लक्ष्मण बराल अध्यक्षमा निर्वाचित भएका छन् । अध्यक्ष बरालले कोभिड– १९ को महामारीका बीच सुस्ताएको पर्यटन क्षेत्रलाई उकास्न आफ्नो नेतृत्व नयाँ विकल्पको खोजी साथ अघि बढ्ने प्रतिबद्धता व्यक्त गरे ।