नयाँ भिडियोहरु हटाउँदै युट्युबले पनि लगायो ट्रम्पमाथि प्रतिबन्ध

• बुधबार, २९ पुष, २०७७
• 1 week ago
• अन्तर्राष्ट्रिय
• प्रबिधि

काठमाडौँ । अमेरिकी राष्ट्रपति डोनाल्ड ट्रम्पमाथि युट्युबले पनि प्रतिबन्ध लगाएको छ । नीतिहरू उल्लंघन गरेको भन्दै युट्युबले ट्रम्पको युट्युब च्यानलमा पोष्ट भएका नयाँ भिडियोहरु हटाउँदै कम्तिमा एक साता नयाँ भिडियो पोष्ट गर्न नपाउने गरी प्रतिबन्ध लगाएको हो ।

 

गत साता अमेरिकी संसदमा उनका समर्थकहरूले हिंसा फैलाएपछि ट्रम्पविरूद्ध सामाजिक सञ्जालहरूले प्रतिबन्ध लगाउन थालेका हुन् । यसैक्रममा २७ लाख सब्स्क्राइबर्स भएको ट्रम्पको च्यानलमाथि पनि प्रतिबन्ध लगाएको हो ।

 

यसअघि चर्चित दुई सामाजिक सञ्जाल फेसबुक र ट्वीटरले ट्रम्पको अकाउन्ट बन्द गरेका थिए ।

 

राष्ट्रपति निर्वाचनमा पराजित भएपछि हार अस्वीकार गर्दै आएका ट्रम्पले विवादास्पद अभिव्यक्ति दिँदै आएका छन् । साथै आफ्ना समर्थकहरुको हिंसात्मक गतिविधिलाई उक्साउँदै आएपछि उनको चर्को आलोचना भइरहेको छ ।

• डोनाल्ड ट्रम्प

ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भनेsales@nepalipatra.com सम्पर्क गर्न सक्नुहुनेछ । हामीसँग तपाईंफेसबुक रट्विटरमा पनि जोडिन सक्नुहुन्छ ।