एमाले संसदीय दलको बैठक बस्दै

काठमाडौँ। प्रमुख प्रतिपक्ष दल नेकपा एमालेले संसदीय दलको बैठक बोलाएको छ। एमालेका प्रमुख सचेतक पदम गिरीका अनुसार बैठक बुधबार दिउँसो १२ बजे बैठक बस्न लागेको हो।

सुन तस्करी प्रकरणमा गृह प्रशासन र अर्थ मन्त्रालयको कर्मचारीको मिलेमतो रहेकोले यसमा गृहमन्त्री र अर्थमन्त्रीले समेत जिम्मेवारी लिनुपर्ने एमालेको माग रहेको छ।

विमानस्थलबाट बाहिरिँदै गर्दा ट्याक्सीबाट ब्रेक शुसहित झन्डै १०० किलोको सुन बरामद गरिएको प्रकरणमा उपप्रधान तथा गृहमन्त्री नारायणकाजी श्रेष्ठले राजीनामा दिनुपर्ने एमालेको माग छ। यसकै तयारीका लागि एमालेले संसदीय दलको बैठक बोलाएको हो।

एक साताअघि त्रिभुवन विमानस्थलबाट बाहिरिँदै गर्दा ट्याक्सीबाट ब्रेक शुसहित झन्डै १०० किलोको सुन बरामद गरिएको थियो। सो प्रकरणमा संलग्न भएको आरोपमा प्रहरीले १० जनालाई समातेको छ।