विषयलाई गिजोल्न मात्र खोजे सरकारको दिनगन्ती सुरु हुन्छः रवि लामिछाने

काठमाडौँ। राष्ट्रिय स्वतन्त्र पार्टी (रास्वपा)का सभापति रवि लामिछानेले सरकारले छानबिन सुरु गरेका विषयहरू जरासम्म नपुगेको भन्दै असन्तुष्टि जनाएका छन्। बुधबार प्रतिनिधिसभा बैठकमा बोल्दै लामिछानेले विषयलाई गिजोल्न मात्र खोजे सरकारको दिनगन्ती सुरु हुने चेतावनी पनि लामिछाने दिएका छन्।

‘हरेक विषय सरकारले सुरु गर्छ। अलि जरोसम्म पुग्छ कि भन्यो, त्यहाँ गएर अड्किन्छ, गिजोलिन्छ। नक्कली भुटानी शरणार्थीमा जरा कहाँ छ सारा जनतालाई थाहा छ। सुरुवात गर्‍यो, सरकार अड्कियोँ, सभापति लामिछानेले भन्यो।

भ्रष्टाचारविरुद्ध चालेका कदमका लागि आफूहरूले सरकारलाई स्याबासी दिएको भन्दै उनले त्यसलाई फाइदाका रूपमा नलिन आग्रह गरे। ‘कुनै पनि विषयलाई गिजोल्ने मात्र नभई जरासम्म पुग्ने सहास लिएको भए ठीक छ। नत्र केही कर्मचारीलाई सरुवा गरेर फाइल खोलेझैँ गर्न थाले सरकारको दिन गन्न सुरु हुन्छ,’ उनले भने।