एमालेको अवरोधपछि राष्ट्रिय सभा बैठक स्थगित

काठमाडौँ। नेकपा एमालेको अवरोधपछि राष्ट्रिय सभाको बैठक स्थगित भएको छ। प्रमुख प्रतिपक्षी दल एमालेले क्विन्टल सुन तस्करी प्रकरणको छानबिनका लागि उच्चस्तरीय समिति गठन गर्न माग गर्दै संसद् अवरुद्ध पारेको हो।

राष्ट्रिय सभाका अध्यक्ष गणेशप्रसाद तिमिल्सिनाले निरन्तर संसद् अवरुद्ध हुँदै आएको विषयमा सरकारको ध्यानाकर्षण गराएका छन्। उनले संसद खुलाउने विषयमा पहल लिन आग्रह गरे।

एमालेको अवरोधपछि राष्ट्रियसभाको बैठक साउन २२ गते सोमबार १ बजे बस्ने गरी स्थगित भएको छ। एमालेकै विरोधका कारण प्रतिनिधिसभा बैठकसमेत अवरुद्ध छ।

राजस्व अनुसन्धान विभागले सुन प्रकरणको छानबिन गरिरहेको छ। तर एमालेले भने उच्चस्तरीय छानबिन समिति गठनको माग गर्दै संसद् अवरोध गर्दै आएको छ।