एमालेलाई विश्वप्रकाश शर्माको प्रश्नः सत्तापक्षका सांसदले बोल्ने थलो चाहिँ रत्नपार्क हो?

काठमाडौँ। नेपाली कांग्रेसका महामन्त्री विश्वप्रकाश शर्माले प्रमुख प्रतिपक्षी दल नेकपा एमालेले सदन कति दिनको लागि खोलेको भन्दै प्रश्न गरेका छन्। प्रतिनिधिसभाको बैठकमा बोल्दै सांसद शर्माले यस्तो बताएका हुन्।

उनले भने, ‘गृहमन्त्रीले यहाँ उभिएर जवाफ दिनुपर्छ भनेर भन्ने कुराको लागि पनि संसदको प्रांगणमा उभिएर भन्नुपर्छ। भनियो संसद प्रतिपक्षको भनेर। प्रतिपक्षको आवाजलाई सुन्नुपर्छ कदर गर्नुपर्छ। प्रतिपक्षले उठाएको प्रश्नलाई राज्यले गम्भिरतापूर्वक लिनुपर्छ। तर, सत्तापक्षका सांसदले बोल्ने थलो चाहिँ रत्नपार्क हो?’

प्रतिपक्षले निरन्तर रुपमा सदन अवरुद्ध गरेर जनचासोको विषयमा बोल्न नपाएको भन्दै असन्तुष्टि पनि व्यक्त गरे।