राष्ट्रपति र सभामुखबीच भेटवार्ता हुँदै

काठमाडौँ । सभामुख देवराज घिमिरेले राष्ट्रपति रामचन्द्र पौडेलसँग भेटवार्ता गर्दैछन् ।

बिहान ९ बजे राष्ट्रपतिले भेटका लागि बोलाभएको सभामुख घिमिरेको सचिवालयले जनाएको छ । राष्ट्रपति पौडेलले सदनको अवरोध हटाउन पहलस्वरुप सभामुखसँग छलफल गर्न लागेको बताइएको छ ।

राष्ट्रपति पौडेलले हिजो बिहीबार प्रधानमन्त्री पुष्पकमल दाहालसँग पनि भेट गरेका थिए ।

भेटमा संसदमा भएको अवरोधको बारेमा राष्ट्रपतिले चासो राख्नुभएको थियो । एमालेको अवरोधका कारण लामो समयदेखि संसद चलेको छैन ।

गत साउन २ गते पक्राउ परेको एक क्वीन्टल सुन तस्करीमा उच्चस्तरीय छानबिन समिति बनाउनु पर्ने एमालेको माग छ । सरकार भने छानबिन समिति नबनाउने अडानमा छ । दुवैको अडानका कारण संसद चल्न सकेको छैन ।