काठमाडौँ। नेपाली कांग्रेसका सांसदहरूले पार्टीका सांसद सुनिल शर्मालाई सरकारले प्रतिशोध राखेर पक्राउ गरेको आरोप लगाएका छन्।
नेपाली कांग्रेसका प्रमुख सचेतक रमेश लेखकले सांसद सुनिल शर्माको गिरफ्तारी आपत्तिजनक भएको बताएका हुन्। शुक्रबार बसेको संसदीय दलको बैठकपछि पत्रकारहरुसँग लेखकले शर्माको गिरफ्तारीको विरोध गरेका हुन्।
बैठकमा पनि कांग्रेस सांसदहरुले एक स्वरले गिरफ्तारीको विरोध गरेका छन्। सुन तस्करी प्रकरणमा प्रधानमन्त्री र मन्त्रीहरूकै संलग्नता रहेको आशंका पैदा भइरहेकोमा घटनाक्रमले त्यसलाई थप पुष्टि गरिरहेको बताए।
बैठकपछि सांसद प्रदीप पौडेलले सञ्चारकर्मीहरूसँग दलको बैठकमा सांसद शर्मालाई पक्राउ गरिएको विषयबारे छलफल भएको बताए
बैठकपछि अर्का सांसद अर्जुननरसिंह केसीले सुन तस्करीको छानबिनलाई डाइभर्ट गर्न सरकारले त्यसबारे आवाज उठाइरहेका सांसद शर्मालाई पक्राउ गरेको बताए।
दलको बैठक छलफल मात्रै गरेर निर्णय नगरी आइतबारसम्म स्थगित भएको छ।
