बालुवाटारमा माओवादी पदाधिकारी बैठक

काठमाडौँ। नेकपा माओवादी केन्द्रको पदाधिकारी बैठक प्रधानमन्त्रीको सरकारी निवास बालुवाटारमा बसेको छ। प्रधानमन्त्री प्रचण्डले सरकारमा रहेका मन्त्री फेर्नेबारे छलफल गर्न आज दिउँसो पदाधिकारी बैठक बोलाएका हुन्।

बैठकमा माओवादीबाट मन्त्री बनेकाहरू पनि सहभागी छन्।

जनमत पार्टीलाई सरकारमा ल्याउनेबारे छलफल भइरहेको हो। स्रोतका अनुसार प्रधानमन्त्री प्रचण्डले संघीय मामिला तथा सामान्य प्रशासन मन्त्री अमनलाल मोदीलाई सरकारबाट फिर्ता बोलाउने तयारी गरेका छन्। मोदीलाई फिर्ता बोलाएर उनको ठाउँमा जनमत पार्टीकी अनितादेवी साहलाई मन्त्री बनाउने तयारी प्रधानमन्त्री प्रचण्डको छ।