सदनको अवरोध खुलाउने विषयमा सभामुख र प्रधानमन्त्रीबीच छलफल

काठमाडौँ । प्रतिनिधिसभाका सभामुख देवराज घिमिरेले सदनको अवरोध खुलाउने विषयमा प्रधानमन्त्री पुष्पकमल दाहाल ‘प्रचण्ड’सँग छलफल गर्ने भएका छन् ।

प्रधानमन्त्रीको सरकारी निवास बालुवाटारमा सभामुख र प्रधानमन्त्रीबीच छलफल हुन लागेको हो । सदन अवरोध भएपछि सभामुखले प्रधानमन्त्रीसँग यसअघि पनि पटक–पटक छलफल गरिसकेका छन् ।

सुन प्रकरणमा छानबिन समिति बनाउनुपर्ने माग राख्दै प्रमुख प्रतिपक्षी दल नेकपा एमालेले गत साउन १० गतेदेखि संसद् बैठक अवरोध गर्दै आएको छ ।

अवरुद्ध संसद् सुचारु गराउने विषयमा बुधबार राष्ट्रपति रामचन्द्र पौडेल र प्रतिपक्षी एमालेका अध्यक्ष केपी शर्मा ओलीबीच पनि छलफल भएको थियो ।