काठमाडौँ। नेकपा एमालेका अध्यक्ष केपी शर्मा ओलीले संसद् सरकारले नै चल्न नदिएको बताएका छन्। पार्टी केन्द्रीय कार्यालय, च्यासलमा आयोजित एक कार्यक्रममा उनले सत्तापक्षले विपक्षी दलले बोल्न थालेलगत्तै होहल्ला गरेर संसदीय अभ्यासलाई अमर्यादित बनाएको दाबी समेत गरे ।
संसद् माओवादीको झुट, बेइमानी र फट्याइँ बोल्ने थलो बनेको बताएका छन्। ‘हामी संसद् चलाऔं भन्ने चाहन्छौं तर, संसद् माओवादीको झुट, बेइमानी, फट्याइँ बोल्ने थलो भएको छ,’ ओलीले भने
माओवादीले सुन भनेर पित्तल चढायो भन्ने बकवास गरेको उनको भनाई छ। संसद् भनेको जनताको समस्या र सही र सत्य ल्याउने ठाउँ भएको उनले बताए।
ओलीले अपराधी पृष्ठभूमिका मानिसहरू भूलचुकले निर्वाचित भएर पनि आउने गरेको बताए।
कार्यक्रममा उनले एमालेले नभइ सत्तापक्षले संसद अवरुद्ध पारिरहेको बताए। ‘अहिले हामीले संसद् चल्न दिएन भनेर हल्ला चलाइएको छ। हामीले तस्करी रोक्न भनेका हौं,’ ओलीले भने।
