रास्वपा संसदीय दलको बैठक बस्दै

काठमाडौँ । राष्ट्रिय स्वतन्त्र पार्टी (रास्वपा)ले संसदीय दलको बैठक बोलाएको छ । साँझ ५ बजे दलको कार्यालय सिंहदरबारमा बैठक बस्न लागेको हो ।

बैठकमा पार्टीले संसद्‌मा दर्ता गराएको संकल्प, संसद्‌का विषयगत समितिका सभापतिहरूको निर्वाचन, संसद्‌मा तथा अन्य सार्वजनिक महत्त्वका प्रस्तावको विषयमा छलफल हुने बताइएको छ ।

साथै, संसद्‌को विषयगत समितिहरुको सभापति छान्ने विषयमा आफ्नो दललाई अन्य दलहरुले बाइपास गरेपछि बैठकमा त्यस विषयमा छलफल हुने बुझिएको छ ।

संसदीय दलमा सामूहिक छलफल गरेर मात्र संसद्‌ बैठकमा सहभागी हुने अभ्यास रास्वपाले थालेको छ ।