राप्रपाले पूर्वाधार विकास समितिमा दीपक सिंहलाई उम्मेदवार बनाउने

काठमाडौँ। राष्ट्रिय प्रजातन्त्र पार्टीले पूर्वाधार विकास समितिको सभापति पाउने भएको छ। सत्तारुढ गठबन्धनले आइतबार गरेको समझदारीअनुसार राप्रपालाई पूर्वाधार विकास समितिको सभापति दिने निर्णय गरेको हो।

यसै अनुरुप राप्रपाले पूर्वाधार विकास समितिमा मकवानपुरबाट निर्वाचित सांसद दीपक सिंहलाई उम्मेदवार बनाउने भएको छ। सिंहले ऊर्जा राज्यमन्त्रीको पनि जिम्मेवारी सम्हालिसकेका छन्।

सभापतिको लागि मनोनयन दर्ताका लागि आइतबार बिहान ११ बजेदेखि दिउँसो ४ बजे समय निर्धारण गरिएको छ।