योजना आयोगको सदस्यमा दुलाललाई नियुक्त गर्ने सरकारको निर्णय

काठमाडौँ। सरकारले राष्ट्रिय योजना आयोगको सदस्यमा अनिता दुलाललाई नियुक्त गर्ने निर्णय गरेको छ। आइतबारको मन्त्रिपरिषद् बैठकले लमजुङकी अनिता दुलाललाई नियुक्त गर्ने निर्णय गरेको हो।

आइतबारको मन्त्रिपरिषद् बैठकको निर्णय सार्वजनिक गर्दै सञ्चार तथा सूचना प्रविधिमन्त्री एंव सरकारका प्रवक्ता रेखा शर्माले सो जानकारी दिइन्।

त्यस्तै, शर्माका अनुसार क्यानडामा आगामी भदौ ५ देखि ९ गतेसम्म आयोजना हुने विश्व वातावरणको सातौँ सभाको सम्बन्धित बैठकमा अर्थमन्त्री डा. प्रकाशरण महतको नेतृत्वमा प्रतिनिधिमण्डललाई सहभागी हुन स्वीकृति दिने निर्णय गरिएको छ।