काठमाडौँ। प्रधानमन्त्री पुष्पकमल दाहालले सुन तस्करीसहित विभिन्न भ्रष्टाचार अनुसन्धानमा संलग्न देखिए प्रधानमन्त्रीलाई पनि छोड्न आवश्यक नभएको बताए।
प्रधानमन्त्री दाहालले संसदमा मंगलबार भएको प्रश्नोत्तरमा त्यस्तो बताएका हुन्। दोषी कोही नछुटोस्, निर्दोष कोही नपरोस् भनेर आफूले भनेको भन्दै प्रधानमन्त्रीले भने, ‘यदि अनुसन्धानका क्रममा प्रधानमन्त्री नै आउँछ भने छोड्न आवश्यक छैन मेरो पार्टीको त के कुरा ’ प्रश्नोत्तरमा उनले भने।
प्रधानमन्त्रीले सांसद असिम शाहले सोधेको प्रश्नको उत्तर दिने क्रममा सरकारले गठन भएदेखि सुशासनलाई प्राथमिकता दिएको उल्लेख गरे।
दबाबरहित निष्पक्ष छानबिन अगाडि बढाएकै कारण सुशासन सम्भव छ भन्ने जनतामा परेको भन्दै उनले भने, ‘कसैलाई बचाउने वा अफ्ठ्यारोमा पार्ने नियतले काम गरेको छैन’ उनले भने।
प्रधानमन्त्रीले आफ्नो या पराय भनेर विभेद नगरेको भन्दै सबै भ्रष्टाचारमा संलग्नलाई तथ्य र प्रमाणका आधारमा करबाही गर्ने प्रतिवद्धता जनाए।
