काठमाडौँ। प्रधानमन्त्री पुष्पकमल दाहाल प्रचण्डले भारत भ्रमणको क्रममा नेपालको हितलाई नै केन्द्रबिन्दुमा राख्ने प्रतिबद्धता जनाएका छन्। आइतबार सिंहदबारमा पूर्वप्रधानमन्त्री, दलका नेताहरुसँगको छलफलमा प्रधानमन्त्रीले सो प्रतिबद्धता जनाएका हुन्।
छलफलमा सहभागीहरुले आफूहरुले नेपालको राष्ट्रिय हित, राष्ट्रिय स्वार्थ र नेपाली जनताको आत्मसम्मानमा केन्द्रित भएर भएर कुराकानी गर्ने सुझाव दिएको बताए।
प्रधानमन्त्रीले भारत भ्रमणको क्रममा नेपालको हितलाई नै मध्यनजर गरेर मात्रै अघि बढ्ने प्रतिबद्धता जनाएको राप्रपा नेता प्रकाशचन्द्र लोहनीले जनाकारी दिए।
छलफलमा पूर्वप्रधानमन्त्री शेरबहादुर देउवा, केपी शर्मा ओली, बाबुराम भट्टराई, लोसपा अध्यक्ष महन्थ ठाकुर, रास्वपा सभापति रवि लामिछाने परराष्ट्रमन्त्री एनपी साउद, पूर्वपरराष्ट्रमन्त्री प्रदीप ज्ञवाली, प्रकाश चन्दै लोहनीलगायत सहभागी थिए।
