बागमती प्रदेशसभाको बैठक शनिबार बस्ने

हेटौँडा। बागमती प्रदेशसभाको बैठक शनिबार बस्ने भएको छ। आजलाई तय भएको बैठक विशेष कारण शनिबार बिहान ११ः०० बजे बस्ने भएको हो।

प्रदेशसभाका सभामुख भुवनकुमार पाठकका अनुसार शनिबारको बैठकमा विशेष समयको कार्यसूची रहेको छ भने सोही बैठकमा प्रदेशसभामा पेस भएका विधेयकलाई संसदीय समितिमा पठाउने कार्यसूची रहेको छ।

प्रदेशसभाको बैठक यसअघि गत भदौ २४ गते बसेर स्थगन गरिएको थियो।