प्रधानमन्त्रीको भारत भ्रमण अगाडि नागरिकता विधेयक प्रमाणीकरण गरेकोप्रति एमाले महासचिवको आपत्ति

काठमाडौँ। नेकपा एमालेका महासचिव शंकर पोखरेलले नागरिकता विधेयक प्रधानमन्त्री पुष्पकमल दाहाल प्रचण्डको भारत भ्रमणअघि प्रमाणीकरण गरेकोप्रति आपत्ति जनाएका छन्। बुधबार सामाजिक संजालमा एक पोस्ट गर्दै नेता पोखरेलले सो आपत्ति जनाएका हुन्।

अघिल्लो संसद्ले दुई पटक पारित गरेको भए पनि तत्कालीन राष्ट्रपति विद्यादेवी भण्डारीले निष्कृय बनाएको विधेयक रामचन्द्र पौडेलले प्रमाणीकरण गरेपछि भारत भ्रमणको पूर्व सन्ध्यामा प्रमाणीकरण गर्नुपर्ने बाध्यता के आइलाग्यो? भन्दै उनले प्रश्न गरे।

विधेयक प्रमाणीकरणले ५ प्रश्नको उत्तर खोजेको बताएका छन्।

यस्ता छन् उनको पाँच प्रश्न

• नागरिकता सम्बन्धमा सर्वोच्च अदालतको फैसलाले स्थापित गरेको भर्डिकलाई उपेक्षा गर्न मिल्छ?
• सम्माननीय पूर्व राष्ट्रपतिज्यूले अघि सार्नुभएको गम्भीर प्रश्नहरूको उत्तर दिने कर्तव्यबाट सरकार र संसद् भाग्न मिल्छ?
• प्रादेशिक पहिचान सहितको नागरिकताको संवैधानिक प्रबन्धको ठाडो उलङ्घन गर्न मिल्छ?
• नयाँ जनादेशको उपेक्षा गरेर निष्क्रिय विधेयकलाई प्रमाणीकरण गर्न मिल्छ?
• संविधानको संरक्षक सम्माननीय राष्ट्रपतिज्यूलाई यस सन्दर्भमा के बाध्यता आइलाग्यो? उत्तर दिनु पर्दैन र?