काठमाडौँ। नेकपा माओवादी केन्द्रले पार्टीको वेबसाइट सार्वजनिक गरेको छ। पार्टी केन्द्रीय कार्यालय पेरिसडाँडामा सोमबार आयोजित एक कार्यक्रमकाबीच प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले वेबसाइट सार्वजनिक गरेका हुन्।
माओवादीको वेबसाइट https://www.cpnmc.org/ रहेको छ। पार्टीको प्रचारको शैलीलाई आधुनिक ढंगबाट अघि बढाउनका लागि वेबसाइट निर्माण गरिएको माओवादी केन्द्रले जनाएको छ।
सार्वजनिक कार्यक्रममा बोल्दै पार्टी अध्यक्ष समेत रहेका प्रचण्डले समय अनुसार युगको अवस्था पनि फेरिँदै गएको कारणले डिजिटल उपयोग गरेर जाने प्रवृत्ति बढ्दै गएको उल्लेख गरे।
प्रचण्डले सोसल मिडियाले एउटा भिलेनलाई हिरो र हिरोलाई भिलेन बनाउन पनि राम्रो सँग प्रयोग हुन सकेको भन्दै सचेत प्रयोगबाट हिरोलाई हिरो नै बनाउन लाग्नुपर्ने बताए। असली हिरो भनेको इतिहास निर्माण गर्ने जनता नै भएको भन्दै प्रधानमन्त्रीले कुनै अलौकिक वा कुनै प्रचारबाट तथाकथित हिरो बनाइएका मान्छे हिरो नभएको बताए।
उनले अहिलेको प्रविधिको विकासमा खर्च गर्न पार्टी चुकेको भन्दै अब त्यसमा पार्टी गम्भिर भएर लाग्ने पनि बताए।
