काठमाडौँ । मध्यपहाडी संकल्प यात्राका क्रममा कोशी प्रदेशमा बन्द,हडताल र अबरोध नगर्न नेकपा एमालेले आग्रह गरेको छ ।
नेकपा एमाले प्रचार तथा प्रकाशन बिभाग प्रमुख राजेन्द्र गौतमले आज देखि कोशी प्रदेश प्रवेश गर्न लागेको अभियानलाई अवरोध हैन सफल बनाउन सहयोग गर्न पार्टीको तर्फबाट आग्रह गरेका हुन् ।
जनताको बिकास र सम्बृद्धिप्रतिको आकांक्षालाई सम्बोधन गरेर अघि बढ्नका लागि आयोजना गरिएको राष्ट्रिय अभियान भएकाले अभियानलाई छेक्ने,अवरोध गर्ने,बन्द गर्ने कार्य नगर्न उनले आन्दोलनरत पहिचानबादी समूहलाई आग्रह गरेका हुन् ।
एमालेलाई मात्रै निशाना बनाएर गरिने बन्द,हडताल लोकतान्त्रिक हुन नसक्ने नेता गौतमको भनाई छ । आफना असहमति भए औपचारिक रुपमा संबैधानिक र शान्तिपूर्ण ढंगले सम्बन्धित निकायमा राख्न उनले सुझाव दिएका छन् ।
कोशी नामको सवाल कोशी प्रदेश सभाको भएकाले कोशी प्रदेश सभामा राख्नुपर्नेमा उनको जोड छ ।
