काठमाडौँ । प्रधानमन्त्री पुष्पकमल दाहाल प्रचण्डले शान्ति प्रक्रियालाई टुंग्याउन राष्ट्रिय सहमति आवश्यक रहेको बताएका छन् । मेलमिलाप दिवसको अवसरमा कांग्रेसले आयोजना गरेको कार्यक्रममा बोल्दै प्रधानमन्त्रीले यस्तो बताएका हुन् ।
आफूले सुरूदेखि नै राष्ट्रिय सहमतिको कुरा उठाएको प्रधानमन्त्रीको भनाई छ । उनले भने, ‘मैले सुरूदेखि नै घटनाक्रम जे जसरी गएपनि राष्ट्रिय सहमतिको वातावरण बनोस् भन्ने कुरा देशको सबैभन्दा ठूलो दलको नाताले । अब एक खालको सहमति गरेर शान्ति प्रक्रिया टुंग्याउनुछ, त्यो भनेको राष्ट्रिय सहमतिबाटै टुंग्याउनुपर्छ हामीले ।’
उनले संविधान कार्यान्वय र विकासका चुनौतीलाई पनि राष्ट्रिय सहमतिबाटै जानुपर्ने बताए ।
उनले विपक्षी दलको नेता केपी शर्मा ओलीले विकास, शान्ति र संविधान कार्यान्वयको निम्ति, गणतन्त्रको निम्ति एकताबद्ध हुन तयार छु भन्नुले नयाँ सन्देश गएको बताए ।
