सरकारप्रति जनताको विश्वासमा घट्योः केपी ओली

काठमाडौँ। नेकपा एमालेका अध्यक्ष केपी शर्मा ओलीले सरकारप्रति जनताको विश्वास घटेको बताएका छन्। आइतबार संसद बैठकमा बोल्दै प्रमुख प्रतिपक्ष दलका नेता ओलीले सो कुरा बताएका हुन्।

पूर्वप्रधानमन्त्री ओलीले भने, उनले भने, ‘जनतामा निराशा छ। सरकारप्रति विश्वासमा ह्रास आएको छ।’

ओलीले देश असमान्य अवस्थाबाट गुज्रिरहेको धारणा राखे। प्रमुख आर्थिक सूचकले आर्थिक संकट देखिसकेको उनको भनाई छ।

उनले देशको परिस्थिति बुझ्न नसकेको कि बुझेर अन्देखा गरेको हो भन्दै प्रश्न गरे। ओलीले देशमा उत्साह पैदा गराउने आश नभएको बताए।