कांग्रेसको प्रचारप्रसार उपसमितिमा सात सदस्य मनोनीत

काठमाडौँ । नेपाली कांग्रेसले आगामी फागुन ७ देखि १० गतेसम्म ललितपुरको गोदावरीमा हुने महासमिति बैठकलाई व्यवस्थित एवं प्रभावकारी बनाउन प्रचारप्रसार उपसमितिमा सदस्य मनोनीत गरेको छ ।

कांग्रेसले केन्द्रीय सदस्य एवं केन्द्रीय सूचना, सञ्चार तथा प्रचार विभागका प्रमुख मीनबहादुर विश्वकर्माको संयोजकत्वमा गठित ‘प्रचार प्रसार उपसमिति’ मा आज सात जना सदस्य मनोनीत गरेको हो ।

पार्टीले उपसमितिमा काठमाडौँका लागि किरण गिरी, बर्दियाका लागि बद्री सिग्देल, धादिङका लागि सरोज अधिकारी, मोरङका लागि रोजी पराजुली ढकाल, काठमाडौँका लागि महेश्वर गौतम, ललितपुरका लागि केदारनाथ दाहाल र जगत प्रजापतिलाई भक्तपुरका लागि मनोनीत गरिएको कांग्रेस जनाएको छ ।