देउवा र थापा छलफलमा

काठमाडौँ । महासमिति बैठकका लागि महामन्त्री गगन थापाले तयार गरेको सांगठनिक प्रतिवेदनमा अझै सहमति जुट्न सकेको छैन । थापाको प्रतिवेदनमा सभापति शेरबहादुर देउवाले असन्तुष्टि जनाएपछि सहमति हुन सकेको छैन । महामन्त्री थापा देउवा निवास बुढानीलकण्ठ पुगेका छन् ।

महान्त्री थापाले तयार गरेको प्रतिवेदनमा भविष्यमा हुने आवधिक निर्वाचनअघि नै गठबन्धन नगर्ने संकल्प गर्नु पर्ने उल्लेख छ ।

प्रस्तावलाई हटाउनु पर्ने कांग्रेसको संस्थापन पक्षको माग छ । सभापति देउवाले असहमति जनाएपछि महामन्त्री थापाले शनिबार साँझ र आइतबार छलफल गरेका थिए तर सहमति हुन सकेन । देउवा यो विषय हटाउने र थापा नहटाउने अडानमा छन् ।