काठमाडौँ। नेकपा एमालेका अध्यक्ष केपी शर्मा ओलीले कुनै पनि कालखण्डमा भएका भ्रष्टाचारको फाइल खोल्नुपर्ने बताएका छन्। सरकारको नीति तथा कार्यक्रममाथि आइतबार संसदमा भएको छलफलमा भाग लिँदै ओलीले इतिहासका कुनै पनि कालखण्डमा भएका भ्रष्टाचारको फाइल खोल्न आम राजनीतिक दललाई आग्रह गरेका हुन्।
‘सरकार भ्रष्टाचार नियन्त्रणको प्रतिवद्धताबाट उम्किन खोजेको जस्तो देखिन्छ। भ्रष्टाचार र अख्तियार दुरुपयोग गरेका इतिहासको कुनै पनि कालखण्डमा भएका भ्रष्टाचारको फाइल खोलौं,’ ओलीले भने, ‘भ्रष्टाचारको फाइल खोलौं। एकपटक इच्छाशक्ति देखाऔं। त्यसलाई साझा इच्छाशक्ति बनाऔं। सबै एकबद्ध हुनुपर्छ। भ्रष्टाचार भ्रष्टाचार नै हो।’
ओलीले सरकार भ्रष्टाचार नियन्त्रणमा कस्सिएझैं गरे पनि भ्रष्टाचार नियन्त्रणमा प्रतिवद्ध नभएको बताए।
‘मलाई पत्यार लाग्दैन सरकारले सबै भ्रष्टाचार नियन्त्रण गर्छ। सरकार भ्रष्टाचार नियन्त्रणमा कस्सिए झै गर्छ। सरकार भ्रष्टाचार नियन्त्रणको प्रतिवद्धताबाट उम्किन खोजेको जस्तो देखिन्छ,’ उनले भने, ‘भ्रष्टाचार र अख्तियार दुरुपयोग गरेका इतिहासको कुनै पनि कालखण्डमा भएका भ्रष्टाचारको फाइल खोलौं। एकपटक इच्छाशक्ति देखाऔं। त्यसलाई साझा इच्छाशक्ति बनाऔं। सबैले एकबद्ध हुनुपर्छ। भ्रष्टाचार भ्रष्टाचार नै हो।’
