देशमा स्थायी गठबन्धन नभएकाले संघ र प्रदेशमा एउटै गठबन्धन हुनुपर्छ भन्ने छैनः शेखर कोइराला

काठमाडौँ । नेपाली कांग्रेसका नेता डा. शेखर कोइरालाले पटक–पटक प्रदेशर सरकार बन्नु र ढल्नु विकास र संघीयताको स्थायीत्वका लागि ठीक हुने बताएका छन् । मंगलबार सामाजिक संजालमा एक पोस्ट गर्दै कोइरालाले देशमा कुनै स्थायी गठबन्धन नभएकाले संघ र प्रदेशमा एउटै गठबन्धन हुनुपर्छ भन्ने नभएको तर्क गरेका छन् ।

स्थायी गठबन्धन नहुँदा त्यसको असर संघ र प्रदेशमा पर्ने गरेको उल्लेख गर्दै मुलुकलाई स्थायी गठबन्धन आवश्यक रहेको औंल्याएका छन् । वर्तमान प्रदेशसभाको अंक गणित हेर्दा संघकै गठबन्धनअनुरुप प्रदेशमा पनि सरकार बनाउन खोजे कुनै प्रदेशमा संवैधानिक र कानुनी जटिलता आउने तथा कुनै प्रदेशमा मध्यावधिमा जाने देखिने बताउँदै नेता कोइरालाले मध्यावधि निर्वाचन आजको आवश्यकता र बाध्यता दुवै नभएको तर्का गरेका छन् ।

यसले संघीयता विरोध स्वरहरूलाई मलजल गर्ने उनको भनाइ छ । प्रदेश सरकारलाई स्थायित्व दिन छलफल जरूरी रहेको बताएका छन् । केन्द्रमा नेकपा एमाले नेतृ्त्वमा नयाँ सत्तासमीकरण बनेसँगै प्रदेश सरकारमा पनि त्यसको असर परेको छ । त्यसको शिकार प्रदेश सरकारका प्रमुखहरू हुने गरेका छन् ।