सरकारको विकल्पबारे सोचेका छैनौंः माधव नेपाल

काठमाडौँ । नेकपा एकीकृत समाजवादीका अध्यक्ष माधव नेपालले सरकारको विकल्पबारे आफूहरूले नसोचेको बताएका छन् । पार्टी कार्यालयमा आयोजित पत्रकार सम्मेलनमा बोल्दै सरकारमा भएकाले सरकारको भलोकै पक्षमा रहेको बताए ।

‘अहिले हामी यो सरकारमा छौँ, सरकारमा सहभागी भएकाले भलो चाहन्छौँ । भलो चाहिसकेपछि अन्य कुरा सोच्नु कुरा भएन ।’ अध्यक्ष नेपालले भने, ‘यो समीकरणमा हाम्रो पार्टी पनि सहभागी छ, केन्द्र प्रदेश सरकारमा पनि छ । सुदूरपश्चिममा सबै दलको सहयोगमा हाम्रो पार्टीको मुख्यमन्त्रीले विश्वासको मत पाउने विश्वास व्यक्त गरेका छौँ । कोशी प्रदेशमा हामीसँग सल्लाह भएर सरकार बनेको होइन ।’

जसपा विभाजित भएपछि समाजवादी मोर्चाको भविष्य संकटको अवस्थामा रहेको बताए । उनले पार्टी विभाजनको लागि प्रयत्न भइरहेको भन्ने कुनै प्रमाण भए आफूलाई सूचना दिन आग्रह गरे ।