प्रतिनिधिसभा बैठक सुरू, कांग्रेसको अवरोध

काठमाडौँ । प्रतिनिधिसभा बैठक सुरू भएको छ । बैठकमा सभामुख देवराज घिमिरेले कार्यसूची हेरफेर गरिएको जानकारी दिएका छन् ।

सभामुख घिमिरेले सांसद बद्री प्रसाद पाण्डेलाई बोल्नका लागि समय दिएका थिए । सांसद पाण्डेले उपप्रधान एवं गृहमन्त्री रवि लामिछानेले आइतबार संसदमा दिएको अभिव्यक्तिको आलोचना गरे । कांग्रेसका सांसदहरुमाथि गृहमन्त्रीले बिभिन्न आरोप लगाएकोले प्रमाणित गर्न चुनौति पनि दिए ।

त्यसपछि सभामुख घिमिरेले राष्ट्रपति रामचन्द्र पौडेलले संसदमा प्रस्तुत गरेको नीति तथा कार्यक्रममा धन्यवाद ज्ञापनको प्रस्ताव गरेपछि बैठकमा प्रमुख प्रतिपक्ष दल नेपाली कांग्रेसले अवरोध गरेको हो । कांग्रेसको विरोधकोबीच सभामुख घिमिरेले भने बैठक अगाडि बढाइरहेका छन् ।