कैलाश सिरोहियालाई सरकार गिरफ्तार गरि अनावश्यक दुःख दियोः विमलेन्द्र निधि

काठमाडौँ । नेपाली कांग्रेसका नेता विमलेन्द्र निधिले थुनामा रहेका कान्तिपुर मिडिया ग्रुपका अध्यक्ष कैलाश सिरोहियालाई सरकारले अनावश्यक दुःख दिएको बताएका छन् ।

धनुषा प्रहरीको हिरासतमा रहेका सिरोहियालाई भेट्न जनकपुरधाम पुगेका निधिले विमानस्थलमै पत्रकार सम्मेलन गर्दै आफू उनको छिमेकी रहेको बताए ।

निधिले सिरोहिया जनकपुरका ‘बोनाफाइड’ नेपाली नागरिक रहेको दाबी गरे । उनले भने, ‘सिरोहियाको घर मेरो घरकै सामुन्ने घर छ । प्रतिशोधपूर्ण तरिकाले सरकार गिरफ्तार गरेको छ । अनावश्यक दुःख दिएको देखिन्छ ।’

नेता निधिले सिरोहियालाई भेटेर आफू र कांग्रेस साथमा रहेको जानकारी गराउने बताए ।