काठमाडौँ। नक्कली भुटानी शरणार्थी प्रकरणमा प्रहरीले ३२ जना संलग्न रहेको निष्कर्षसहित प्रतिवेदन बुझाएको छ। सोमबार प्रहरीले पक्राउ परेका १६ जनासहित ३२ जना संलग्न रहेको प्रतिवेदन काठमाडौँ सरकारी वकिलको कार्यालयमा अनुसन्धान प्रतिवेदन बुझाएको हो।
काठमाडौँ जिल्ला प्रहरी परिसरले करिब २ महिना लामो अनुसन्धानपछि सरकारी वकिलको कार्यालयमा अनुसन्धान प्रतिवेदन बुझाएको हो।
प्रहरीले ३२ जनामध्ये केहीलाई ठगी, केहीलाई कीर्ते र केहीलाई संगठित अपराधमा मुद्दा चलाउन अनुसन्धान प्रतिवेदनमा सिफारिस गरेको बताइएको छ।
यस प्रकरणमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण, पूर्वगृहमन्त्री रामबहादुर थापा बादलका तत्कालीन सुरक्षा सल्लाहकार इन्द्रजित राई, पूर्वगृहसचिव टेकनारायण पाण्डेसहित १६ जनालाई प्रहरीले पक्राउ गरेको छ।
