एमालेको अवरोधपछि प्रतिनिधिसभा बैठक १५ मिनेट स्थगित

काठमाडौँ। नेकपा एमालेले विरोध जनाएपछि प्रतिनिधिसभा बैठक स्थगित भएको छ। शहरी विकास मन्त्रालयको बजेटसम्बन्धी पुस्तिकामा प्रदेशको नामकरण नगरिएको भन्दै एमालेले विरोध जनाएपछि प्रतिनिधिसभा बैठक स्थगित भएको हो।

आजको बैठकमा कायसूचीमा रहेको शहरी विकास मन्त्रालयअन्तर्गतको विभिन्न शीर्षकमाथिको छलफल सुरु गर्ने क्रममा एमालेका सांसद सूर्य थापाले उक्त मन्त्रालयको बजेटसम्बन्धी पुस्तिकामा प्रदेशको नामकरण नगरिएको भन्दै छलफलको कार्यसूचीबाट हटाउन माग गरेका थिए। थापाले आपत्ति जनाएपछि शहरी विकास मन्त्री सिता गुरुङले मन्त्रालयको बजेट पुस्तिकमा त्रुटि भएको भए सच्याइने बताएपनि एमालेका सांसदहरुले सच्चिएर आएपछि मात्रै छलफल गर्नुपर्ने अडान राखेका थिए।