प्रतिनिधिसभा बैठक सुरू

काठमाडौँ। प्रतिनिधिसभा बैठक सुरू भएको छ। आजको बैठकमा विनियोजन विधेयकअन्तर्गत मन्त्रालयगत छलफलका क्रममा उठाइएका प्रश्नहरूको विभागीय मन्त्रीहरूले जवाफ दिने सम्भावित कार्यसूची रहेको छ।

संसद सचिवालयका अनुसार गृह, वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय, शहरी विकास मन्त्रालय, उद्योग, वाणिज्य तथा आपूर्ति मन्त्रालय, भौतिक पूर्वाधार तथा यातायात मन्त्रालय, सञ्चार तथा सूचना प्रविधि मन्त्रीले विनियोजन विधेयक २०८० अन्तर्गत मन्त्रालयगत छलफलमा उठेका प्रश्नहरूको जवाफ दिने कार्यक्रम रहेको छ।